Mashhur aktyor va aktrisalar qancha daromad topishi haqidagi ma’lumotlar internetga tez-tez uchrab turadi. Quyida Turkiyaning eng badavlat aktyor va aktrisalari haqida ma’lumot beramiz.
1. Burak O‘zchivit
“Sevgi iztirobi”dagi Kamol va “Muhtasham yuz yil”dagi Balibey rollarini mahorat bilan ijro etgan Burak O‘zchivitni Turkiyaning eng boy yulduzi deb bilishadi. Hozir u Rossiya kompaniyalari bilan hamkorlik qilayotgan bir paytda, BAA bilan shartnomalaridan tashqari, aktyorning daromadi faqat o‘sib bormoqda. 2022-yil holatiga ko‘ra, Burak O‘zchivitning boyligi 72 million dollarga baholangan.
2. Serenay Sarikaya
Serenayning moddiy holati, afsuski, hech kimga ma’lum emas, lekin qizning qaysi kompaniyalar bilan reklama shartnomalari tuzganini hisobga olsak, uning Burak O‘zchivitdan ham badavlatroq ekanligiga hayron qolmasa ham bo‘ladi. Kerem Bursinning sobiq sevgilisi nafaqat ko‘plab rollari bilan tanilgan mashhur aktrisa, balki Prada, Bulgari va boshqa taniqli brendlar bilan hamkorlik qiladigan professional model hamdir. Serialning bitta epizodida suratga tushish uchun Serenay taxminan 21 700 dollar oladi.
3. Murat Boz
Balki, Murat Boz haqida eshitmagandirsiz, lekin Turkiyada u eng talabgir aktyor. “Tushingda ko‘rasan” seriali yulduzi taxminan 60 million dollarlik boylikka ega.
4. Haluk Bilginer
“Mariya” filmida Anjelina Joli bilan birga rol o‘ynagan “Ota” serialidagi o‘sha turk aktyori ham o‘rtahol emas. Halukning boyligi 70 million dollarga baholanmoqda. Turkiyada Halukni eng mashhur turk aktyorlaridan biri deb hisoblashadi, shuning uchun ham aktyorni Gollivud yulduzlari bilan rol o‘ynash uchun xalqaro loyihalarga tez-tez chaqirishadi.
5. Xande Erchel
Xande 58 million dollarlik boyligi bilan ushbu ro‘yxatga kiritilgani ko‘pchilikni ajablantirmasa kerak. “Qalbim eshigini qoq” filmida aktrisa olgan gonorarini mashaqqatli mehnat bilan topgan. Xandening aktrisa sifatida shakllanishi oson kechmadi, ammo endi u ko‘plab kompaniyalar uchun sevimli shaxs va ular o‘z mahsulotlarini reklama qilishi uchun katta pul to‘lashga tayyor.
6. Jan Yaman
Aftidan, Janning Turkiyadan ketishi unga daromadini ko‘paytirishga yordam berganga o‘xshaydi. Aktyorning boyligi 59 million dollarga baholangan. Uning daromadi Xanda Erchel bilan deyarli bir xil, lekin aktyorning filmografiyasida endi chet eldagi loyihalari ham bor. Misol uchun, Italiyaning “Dengiz kabi binafsharang” seriali va yangi “Sandokan” loyihasida aktyor Ed Vestvik bilan rol o‘ynaydi.
7. O‘zjan Deniz
Ehtimol, Faxriye Evjen avval boshdanoq faqat boy bo‘lish salohiyatiga ega bo‘lgan erkaklarni o‘ziga jalb qilgan — Burak O‘zchivit bilan tanishishidan oldin aktrisa O‘zjan bilan uchrashgan. Hozirda “Alvon g‘unchalar” serialida ishtirok etayotgan aktyorning daromadi 55 million dollarga teng. Bundan tashqari, O‘zjan Deniz musiqa bilan shug‘ullanadi, bu uning qo‘shimcha daromad manbai ham.
8. Faxriye Evjen
Burak O‘zchivitning rafiqasi va O‘zjan Denizning sobiq sevgilisi biroz kamtarroq yashaydi. Faxriyening shaxsiy ixtiyorida 47 million dollari bor. Yomon emas, manikyur, pedikyur, uy va premium salonli yangi mashinaga bemalol yetadi.
9. Demet O‘zdemir
Ajablanarlisi shundaki, bu ro‘yxatda Demet eng o‘rtahol aktrisa, uning bor-yo‘g‘i 35 million dollari bor. O‘ylaymizki, Demet O‘zdemir tez orada hamkasblariga yetib oladi va u ham kattaroq summa bilan maqtana oladi.
10. Neslihan Atagul
Neslihan Atagul eri Qodir Dog‘uludan ancha badavlat ekani ko‘pchilikni ajablantirsa kerak. Turk aktrisasi ekranlarda tobora kam ko‘rina boshlaganini hisobga olsak, bu ham yomon natija emas. Neslihan kelajakda homiladorlik tufayli kamida uch yil majburiy tanaffus olishiga to‘g‘ri keladi.
Izoh (0)