Italiyaning “Verissimo” ko‘rsatuvi mehmoni bo‘lgan turk aktrisasi Neslihan Atagul tug‘ilajak farzandining jinsini oshkor qildi.
“Sevgi iztirobi” va “Elchining qizi” seriallari bilan tanilgan aktrisa yaqinda hayotida katta o‘zgarishlar sodir bo‘lgani va turmush o‘rtog‘i Kadir Dog‘ulu bilan ota-ona bo‘lish baxtiga muyassar bo‘lishiga oz qolgani haqida ma’lum qilgan edi. Kuni kecha aktrisa Italiyadagi Verissimo shousiga tashrif buyurdi va ko‘rsatuv davomida homiladorligi haqidagi tafsilotlar bilan bo‘lishdi.
Hayotning muhim va unutilmas davri qanday o‘tayotgani haqidagi savollarga javoban aktrisa shunday dedi:
“Yaratganga shukr, hammasi yaxshi o‘tmoqda. Bir kun kelib ona bo‘lishni istagan har bir ayol ushbu ajoyib hisni shaxsan boshdan kechirishini tilayman. Hozirda men osuda, ammo hayajonga boy davrni boshimdan o‘tkazmoqdaman”.
Neslihan Atagul farzandi qachon tug‘ilishi ham ma’lum qilishga qaror qildi. Uning so‘zlariga ko‘ra, aktrisa farzandini mart oyida qo‘liga oladi.
Boshlovchi Neslihandan homiladorlik haqidagi xabarni uning turmush o‘rtog‘iga qanday e’lon qilganini so‘radi. Yulduzning aytichicha, avvaliga u buni o‘ziga xos tarzda bajarmoqchi bo‘lgan, biroq barchasi oddiy holda sodir bo‘lgan.
“Men turmush o‘rtog‘imning oldiga kelib: Kadir, sizga bir muhim narsani aytishim kerak, dedim va homiladorligimni aytdim. Biz xursandchilikdan kula boshladik va taxminan o‘n besh daqiqa davomida kuldik”.
Muxlislar iltimosiga ko‘ra ko‘rsatuv boshlovchisi hamda Verissimo jamoasi studiyada o‘tirgan tomoshabinlar uchun “gender party” (bola jinsini aniqlash bayrami)ni tashkil qildi. Bir necha soniyalardan so‘ng ekranda ko‘k barglardan iborat daraxt dekoratsiyasi paydo bo‘ldi. Bu esa, yulduzli juftlikning o‘g‘il farzand kutayotganini anglatadi.
Izoh (0)