Rejissyor Jeyms Kemeron Empire nashriga bergan intervyusida uning rafiqasi, aktrisa Syuzi Emis “Avatar: olov va kul” filmini tomosha qilgandan so‘ng, bir necha soat davomida yig‘idan o‘zini to‘xtata olmagani haqida so‘zlab berdi.
Kemeron 2024-yil oxirida rafiqasiga filmning tayyor bo‘lgan nusxasini rafiqasiga ko‘rsatishga qaror qilgan.
“U to‘rt soat davomida hissiyotlarini jilovlay olmadi. Yig‘i orasida Syuzi menga biror narsa aytishga urindi, ammo o‘zini yo‘qotib qo‘yib, yana yig‘lashda davom etdi” deya so‘zlab berdi rejissyor.
So‘ng “azizim, dam olishimiz kerak, bu mavzuda boshqa vaqt aytamiz, deya uni holi qoldirdim”, deya bo‘lishdi Kemeron. Ammo ayolini aynan nima bunchalik ta’sirlantirganiga hech qanday izoh bermadi. Uning so‘zlariga ko‘ra, “Titanik”, “Avatar” va “Avatar 2” ni suratga olish ishlarida rafiqasi unga ko‘p g‘oyalarni aytib turgan.
“Syuzi menga ko‘plab suratga olish ishlarida yordam bergan, shu sababli men uning yuragiga ishonaman”.
Avvalroq Jeyms Kemeron “Avatar: Olov va kul”ning franshizadagi eng uzun filmga aylanishini e’lon qilgan edi. Taqqoslash uchun: ikkinchi qism 3 soat 12 daqiqa davom etgan, ammo rejissyorning fikricha, bu vaqt bosh qahramonlar xarakterini to‘liq ochib berish uchun yetarli bo‘lmagan.
Mavzuga doir: “Avatar: Olov va kul” filmi franshizadagi eng uzoq davom etadigan film bo‘ladi.
Izoh (0)