O‘zbek tomoshabinlariga “Sevgi iztirobi” serialidagi Asu obrazi bilan yaxshi tanish aktrisa Melisa Asli Pamuk futbolchi Yusuf Yazichiga turmushga chiqdi. Mashhur futbolchi turmush o‘rtog‘iga to‘y sovg‘asi sifatida Fransiyaning Nitssa shahridan 1,5 million yevroga uy sotib olgani maʼlum bo‘ldi.
Fransiyaning “Lill” jamoasida o‘ynayotgan Yusuf Yazichi o‘tgan yozda Cheshme shahrida Melisa Asli Pamuk bilan tanishgan edi. Melisa Asli Pamuk ijtimoiy tarmoqda familiyasini “Melisa Asli Yazichi” deb o‘zgartirganida, juftlik hech qanday bayonot bermagan bo‘lsa-da, to‘yning Fransiyada o‘tkazilgani maʼlum bo‘ldi.
Shuningdek, futbolchi ijtimoiy tarmoqlarda turmush o‘rtog‘i uchun olgan to‘y sovg‘asi bilan bo‘lishdi. Uy 1,5 million yevroga sotib olingan. Melisa o‘z didiga ko‘ra dengiz manzarasi ko‘rinib turadigan o‘ta hashamatli uyini jihozlashni boshlagan.
Melisa turmush qurishga rozi bo‘lishdan avval futbolchiga Istanbulga ko‘chib o‘tish shartini qo‘ydi. Aktrisa Fransiyaga ketishni istamadi. Yusuf fransuz futbol klubi bilan shartnomasini uzaytirmadi. Biroq unga Gollandiya va Angliya klublaridan takliflar kelib tushgan. Yulduzlar qanday murosaga kelishi hozircha noma’lum.
33 yoshli Melisa Asli Pamuk turmush o‘rtog‘idan olti yosh katta. Er-xotin to‘y haqidagi xabarlarga hech qanday izoh bermadi. Turk yulduzi avvaldan shaxsiy hayotining barcha tafsilotlarini sir saqlashga harakat qilib kelgan.
Izoh (0)