Turk seriallari aktrisasi va model Melisa Asli Pamuk fransuz futbol jamoasi o‘yinchisi Yusuf Yazichidan 2023-yil sentyabr oyida turmush qurish taklifini olgan edi.
Endilikda “Sevgi iztirobi” yulduzi Yusuf Yazichiga turmushga chiqqani ma’lum bo‘ldi. Sabah nashri xabar berishicha, mashhurlar to‘y marosimini yashirincha o‘tkazgan. Ularning oila qurgani Melisa Asli Pamuk ijtimoiy tarmoqlarda familiyasini o‘zgartirganidan keyin ma’lum bo‘ldi. Hozirda aktrisa Instagram tarmog‘ida Melisa Asli Yazichi sifatida qayd etilgan.
Melisa turmush qurishga rozi bo‘lishdan avval futbolchiga Istanbulga ko‘chib o‘tish shartini qo‘ydi. Aktrisa Fransiyaga ketishni istamadi. Yusuf fransuz futbol klubi bilan shartnomasini uzaytirmadi. Biroq unga Gollandiya va Angliya klublaridan takliflar kelib tushgan. Yulduzlar qanday murosaga kelishi hozircha noma’lum.
33 yoshli Melisa Asli Pamuk turmush o‘rtog‘idan olti yosh katta. Er-xotin to‘y haqidagi xabarlarga hech qanday izoh bermadi. Turk yulduzi avvaldan shaxsiy hayotining barcha tafsilotlarini sir saqlashga harakat qilib kelgan.
Izoh (0)