Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarini e’tiboringizga havola qilamiz.
Feruza Normatova kursdoshlari bilan uchrashuvi aks etgan videoni sahifasiga joyladi. Aktrisa dugonalarini uyiga taklif qilib, ularni mehmon qildi.
Durdona Qurbonova otda suratga tushiladigan sahnalarda qiynalmaslik uchun chavandozlikni o‘rganmoqda.
Xonanda Botir Qodirov bir paytlar yo‘qolgan tug‘ilganlik haqidagi guvohnomasini qayta tiklagani haqida so‘zlab berdi.
Turk aktrisasi Maryam Uzerli o‘zi suratga tushgan yangi serial “Shokir poshsho oilasi”ni muxlislariga tavsiya qildi.
“Mitti vayn” kulgi jamoasi aktyori Ulug‘bek Shodibekov umra amallarini ado etmoqda.
Ijtimoiy tarmoqlarda aktrisa Yulduz Hamidova bilan bog‘liq noxush xabarlar tarqaldi. U AQShdan muxlislariga ko‘rinish berib, ushbu gap-so‘zlar asossiz ekanligini ma’lum qildi.
O‘zbekiston xalq artisti Yulduz Usmonova Falastindan olib kelingan bolalar uchun har birining qiymati 100 ming dollarlik ikkita uy sovg‘a qilgani, uning bu ishidan ilhomlangan uy quruvchi tadbirkor yana ikkita uyni ham ehson qilgani haqida so‘zlab berdi.
“Million” kulgi jamoasi rahbari Davron Kabulov qizi Lutfiya bilan tushgan suratini sahifasiga joyladi.
“Million” aktyori Mo‘min Ibrohimov yo‘l harakati qoidalarini buzganligi uchun 30 million so‘mdan ortiq jarima to‘lagani haqida so‘zlab berdi.
Izoh (0)