Turkiyada va dunyo bo‘ylab mashhur bo‘lgan seriallar orasida yangi rekord o‘rnatildi. “Muhtasham yuz yil” yoki “Sevgi iztirobi” kabi loyihalar ham katta muvaffaqiyatga erishgan, ammo mazkur loyiha barcha reytinglarda ulardan o‘zib ketdi. Gap “Hukmdor Usmon” seriali haqida ketmoqda.
Serial syujeti
“Hukmdor Usmon” tarixiy jangovar turk seriali ham Mehmet Bozdag‘ tomonidan suratga olingan bo‘lib, “Ertug‘rul”ning davomiy qismi hisoblanadi. Serial syujeti Ertug‘rulning o‘g‘li Usmon G‘oziyning mustaqillik uchun Saljuqiylar saltanatiga qarshi qanday kurashgani haqida hikoya qiladi. Imperiya yaratish uchun Usmon ichki dushmanlarni mag‘lub etishi, so‘ngra kuchli Mo‘g‘ul va Vizantiya imperiyalari bilan to‘qnashuvga kirishishi kerak bo‘ladi.
Rekord ko‘rsatkichlar
“Hukmdor Usmon”ning birinchi epizodi efirga uzatilgan paytda yangi rekord o‘rnatildi va turk televideniyesi tarixidagi eng muvaffaqiyatli boshlangan serial sifatida e’tirof etildi. Birinchi qismdanoq loyiha 15 milliondan ortiq tomoshabinlarni ekran qarshisiga mixlab qo‘ydi. Bugungi kunga qadar hech qaysi turk seriali bunday muvaffaqiyatli startni takrorlay olmadi.
Serial olti fasldan beri davom etmoqda va har bir yangi epizodning reytingi 6% dan pastga tushmagan. Bu raqam uzoq davom etadigan seriallar uchun ajoyib natijadir.
Lekin bu hammasi emas: Hindiston va Pokistonda “Hukmdor Usmon” ko‘rishlar soni bo‘yicha Turkiyadan ham o‘zib ketdi. Hozirda serial Albaniyada eng mashhur loyiha hisoblanadi.
Aktyor Burak O‘zchivit bosh rolni ijro etgan loyihani YouTube platformasida ham tomosha qilish mumkin. Bugungi kunga qadar u 5,5 milliard marta ko‘rilgan.
Izoh (0)