Bir necha kun oldin mashhur turk aktrisasi, “Sevgi iztirobi” seriali yulduzi Neslihan Atagul homiladorligini e’lon qildi. 31 yoshli yulduz va uning 42 yoshli turmush o‘rtog‘i Kadir Do‘g‘ulunung ota-ona bo‘lishi haqidagi yangilik barcha muxlislarni xursand qildi. Ushbu quvonchli voqea bilan minglab insonlar ularni tabrikladi.
Turk tabloidlari jurnalisti Onur Akay joriy yil 5-iyul kuni shov-shuvli bayonot bilan chiqdi. U Neslihan Atagul EKU orqali homilador bo‘lgan haqida xabar berdi. Uning ta’kidlashicha, turk aktrisasi davolash hamda ekstrakorporal urug‘lantirish jarayonini Kiprda o‘tkazgan.
-6C-9J13J.jpg)
Onur Akayning bergan ma’lumotga ko‘ra, Kadir Do‘g‘uluning rafiqasi uch marta EKU muolajasini o‘tkazgan. Birinchi urinish 2018-yilda, ikkinchisi ikki yildan so‘ng bo‘lgan va faqat uchinchi tibbiy amaliyot muvaffaqiyatli o‘tgan.
Jurnalist ta’kidlashicha, Neslihan Atagul egizak farzandlar kutmoqda. Ushbu xabarga dizi yulduzlari hech qanday izoh bermadi. Biroq ijtimoiy tarmoqlarda aktrisaning muxlislari Onur Akayning maqolasini keskin tanqid qilmoqda.
Jurnalistning qonun bilan taqiqlangan tibbiy sirlarni oshkor qilishi ko‘pchilikning e’tirozlariga sabab bo‘ldi. Muxbirning o‘zi tanqidlarga e’tibor bermadi va so‘zlari haqiqat ekanini ta’kidladi.
Izoh (0)