Futbol bo‘yicha Yevropa Ligasi 1/8 final uchrashuvlari doirasidagi “Roma” — “Atletik” bahsi bo‘lib o‘tdi. Unda Rim klubi 2:1 hisobida g‘alaba qozondi. Jamoaning g‘alaba taqdim etgan goliga Eldor Shomurodov mualliflik qildi.
O‘yindagi hisob ispaniyaliklar tomonidan ochildi. 50-daqiqada Uilyams gol urib, “Atletik”ning hisobda oldinga chiqib olishini ta’minladi. Oradan 6 daqiqa o‘tib Anxelinyo “Roma”ning o‘yindagi dastlabki golini kiritdi. Bahs yakunlanishiga bir necha soniya qolganda esa 71-daqiqada zaxiradan maydonga tushgan Shomurodov rimliklarga g‘alaba keltiruvchi gol muallifiga aylandi. Yakuniy hisob — 2:1, “Roma“ klubining g‘alabasi.
Yevropa Ligasi
1/8 final
7-mart, juma
“Roma” — “Atletik” 2:1
Gollar: 0:1 — 50. Niko Uilyams, 1:1 — 56, Anxelinyo, 2:1 — 90+3, Eldor Shomurodov
“Roma”: Svilar, Chelik, Manchini, N’Dika, Rench (Salemakers, 60), Pisilli (Kone, 77), Kristante, Anxelinyo, Dibala (Sule, 71), Baldanzi (El-Sharavi, 60), Dovbik (Shomurodov, 71).
“Atletik”: Xulen, Bershish, Alvares, Vivian (Paredes, 23), De Markos, Mikel (Prados Dias, 63), Ruis, Niko Uilyams (Berenger, 77), Gomes (Vesga, 77), Inaki Uilyams, Sannadi (Guruseta, 63).
Chetlatish: Alvares, 85
Eslatib o‘tamiz, ushbu jamoalar o‘rtasidagi javob bahsi 13-mart kuni Bilbaodagi “San Mames” stadionida bo‘lib o‘tadi.
Izoh (0)