Futbol bo‘yicha Italiya chempionatining 25-turida “Roma” safarda “Parma” bilan to‘qnashdi va minimal hisobda g‘alaba qozondi.
Uchrashuvning 31-daqiqasida Eldor Shomurodov sherigi Suleni birga-bir vaziyatga chiqarib yubordi va raqib himoyachisi argentinalik futbolchini yiqitishga majbur bo‘ldi. Avvaliga hakam penalti belgilab, mezbonlar himoyachisiga sariq kartochka berdi. VAR yordamida ushbu vaziyat jarima maydonidan tashqari sodir bo‘lgani aniqlandi va penalti bekor qilindi. Himoyachining sariq kartochkasi qizilga aylandi. Belgilangan jarima to‘pi golga aylandi.
Uchrashuvning qolgan qismida bir kishi kam bo‘lib harakat qilishga majbur bo‘lishiga qaramay, mehmonlar boshqa to‘p o‘tkazib yubormadi. “Parma” darvozaboni Suzuki ishonchli harakat qildi. Bahs yakuniga qadar hisob o‘zgarmadi va “Roma” mehmondan 3 ochko bilan qaytdi.
Ranyeri jamoasi ochkolarini 37 taga yetkazib, 9-o‘rinni egallab turibdi. “Parma” klubi 20 ochko bilan 18-pog‘onada qoldi.
A Seriya
25-tur
16-fevral, yakshanba
“Parma” — “Roma” 0:1
Gol: 0:1 — Sule (33).
“Parma”: Suzuki, Valeri, Leoni, Volyakko (Kamara, 66), Del Prato, Zom, Bernabe (Ondreyka, 77), Keyta (Almkvist, 46), Kancheleri (Lovik, 66), Bonni, Man (Balog, 35).
“Roma”: Svilar, Ndika, Manchini (Nelsson, 46), Chelik, Saloh-Eddin (Anxelino, 77), Kone (Pellegrini, 46), Paredes, Gurna-Duat, Salemakers (Baldanzi, 65), Shomurodov, Sule.
Ogohlantirishlar: Sule (34), Pellegrini (55), Garna-Duat (63), Balog (82), Almkvist (85).
Chetlatish: Leoni (31).
Izoh (0)