O‘zbekiston terma jamoasi a’zolari ushbu haftada o‘z klublari safida harakatni davom ettirdi.
Fransiya chempionatining 14-turida “Lans” o‘z maydonida so‘nggi o‘rindagi “Monpelye”ga qarshi maydonga tushdi va g‘alaba qozondi.
Mezbonlar safida O‘zbekiston milliy jamoasi himoyachisi Abduqodir Husanov to‘liq harakat qildi. Sofascore nashri himoyachining o‘yinini 7,8 ballga loyiq ko‘rdi. Aynan u ushbu bahsning eng yaxshi o‘yinchisi sovrinini qabul qilib oldi.
Abbosbek Fayzullayev va “SSKA” klubi “Fakel” klubiga qarshi maydonga tushdi. Uchrashuvni 13-daqiqada Tamerlan Musayev tomonidan kiritilgan gol hal qildi — 0:1.
O‘zbekistonlik futbol 87 daqiqa harakat qilib, o‘z o‘rnini Rifat Zhemaletdinovga bo‘shatib berdi. Sofascore nashri Abbosbekning harakatlarini 6,9 ballga baholadi. Gol muallifi Musayev 8 ballga loyiq ko‘rildi. Ushbu g‘alabadan so‘ng, “SSKA” klubi 31 ochko bilan 6-o‘rinda bormoqda.
“Rubin” Maxachkalaning “Dinamo”si ustidan mehmonda g‘alabaga erishdi. O‘zbekistonlik Rustam Ashurmatov va Umarali Rahmonaliyev zaxirada qoldirildi.
Eronda “o‘zbekcha derbi” kuzatildi. O‘tkir Yusupov harakat qilayotgan “Fulad” Jaloliddin Masharipov to‘p suradigan “Istiqlol” klubini qabul qildi. Uchrashuvda mehmonlar 0:2 hisobida g‘alaba qozondi. Jaloliddin jamoasining ikkinchi goliga hammualliflik qildi.
“Roma” klubi Italiya A Seriyasi 15-turi doirasida “Lechche” klubini qabul qildi va yirik hisobda g‘alaba qozondi. O‘zbekiston terma jamoasi sardori Eldor Shomurodov zaxirada qoldi.
“Al-Vahda” sharafini himoya qilayotgan Hojimat Erkinov BAA Pro ligasining 9-turi doirasida “Al-Uroba”ga qarshi bahsda golli uzatmani amalga oshirdi. Uchrashuvda “Al-Vahda” 3:0 hisobida g‘alaba qozondi. Flashscore nashri futbolchining harakatlarini 8,2 ballga baholagan.
Izoh (0)