Futbol bo‘yicha Yevropa Ligasida o‘tish bosqichining javob o‘yinlari bo‘lib o‘tdi.
“Roma” o‘z maydonida “Portu” bilan to‘qnashdi. Bir kishi kam bo‘lib qolgan “Portu” Rim klubiga qarshi hech narsa qila olmadi. Uchrashuvda Paulo Dibala dublga erishdi, uning birinchi goliga Eldor Shomurodov assistentlik qildi. Yakunda “Roma” 3:2 hisobida g‘alaba qozondi.
O‘zbekiston milliy jamoasi a’zosi maydonda 78 daqiqa harakat qildi. Sofascore nashri futbolchini 7,1 ball bilan baholadi.
Ikki bor raqiblar darvozasini ishg‘ol qilgan Dibala o‘yinda eng yuqori — 8,9 ballga loyiq ko‘rildi. Mezbonlar himoyachisi Ndika jamoasi tarkibida eng past baho oldi — 5.9 ball.
Nashr “Portu” tarkibida harakat qilgan Otaviaga 8 ball qo‘ydi. 51-daqiqada qizil kartochka olib, jamoasini qiyin ahvolga solib qo‘ygan Eushtakio uchrashuvda 5,6 ball bilan baholandi.
Ma’lumot uchun, bugun, 21-fevral kuni nimchorak final uchun qur’a tashlash marosimi bo‘lib o‘tadi.
Izoh (0)