Qatarda FIFA tomonidan o‘tkazilgan tantanali marosimda The Best sovrinining har bir nominatsiyasi bo‘yicha g‘oliblar nomi kecha, 17-dekabr kuni e’lon qilindi. “Real” futbolchisi Vinisius FIFA talqiniga ko‘ra, o‘tgan mavsumning eng yaxshi o‘yinchisi deb topildi.
Ushbu nominatsiyaga Jud Bellingem, Dani Karvaxal, Kilian Mbappe, Federiko Valverde (barchasi “Real”), Erling Holand, Rodri (“Manchester Siti”), Toni Kroos, Lionel Messi (“Inter Mayami”), Florian Virts (“Bayyer”) va Lamin Yamal (“Barselona”) ham da’vogarlik qilgan edi.
Yilning eng yaxshi murabbiyi — Karlo Anchelotti (“Real”)
Yilning eng yaxshi murabbiyi sovrini ham “Real” klubiga nasib qildi. Jamoaning italiyalik ustozi Karlo Anchelotti “Arsenal”ning sobiq ustozi Arsen Vengerdan mukofotni qabul qildi.
Mukofotga nomzodlar orasida Pep Gvardiola (“Manchester Siti”), Lionel Skaloni (Argentina milliy jamoasi), Luis de la Fuente (Ispaniya milliy jamoasi) va Xabi Alonso (“Bayer”) ham bor edi.
Yilning eng yaxshi darvozaboni — Emiliano Martines (, Argentina)
“Aston Villa” klubining argentinalik darvozaboni FIFA tomonidan o‘tgan mavsumning eng yaxshi darvozaboni deb topildi.
Nomzodlar qatorida Andrey Lunin (“Real Madrid”), David Raya (“Arsenal”), Ederson (“Manchester Siti”) Janluijji Donnarumma (“PSJ”) Mayk Menyan (“Milan”) Unai Simon (“Atletik”).
“Manchester Yunayted”ning argentinalik yarim himoyachisi tomonidan 2023-yilning 26 noyabr kuni “Everton” darvozasiga akrobatik usulda yo‘llagan supergol FIFA tomonidan yil goli deb topildi va futbolchi Pushkash mukofotini qo‘lga kiritdi.
FIFA talqiniga ko‘ra, o‘tgan mavsum ramziy jamoasidan quyidagi futbolchilar o‘rin oldi:
Darvozabonlar: Emiliano Martines
Himoyachilar: Dani Karvaxal, Antonio Ryudiger, Ruben Diash, Vilyam Saliba
Yarimhimoyachilar: Rodri, Jud Bellinghem, Toni Kroos, Lamin Yamal
Hujumchilar: Erling Holand, Vinisius.
G‘oliblarni aniqlashda ularning 2023-yilning 21-avgustidan 2024-yilning 10-avgustigacha bo‘lgan davrdagi o‘yinlar natijasi inobatga olindi. Laureatlar milliy jamoa sardorlari, murabbiylar, muxlislar va OAV vakillarining ovoz berish orqali aniqlangan. O‘zbekiston nomidan bosh murabbiy Srechko Katanes, jamoa sardori Eldor Shomurodov va media vakili sifatida Davron Fayziyev ushbu so‘rovnomada qatnashgan.
Izoh (0)