Yevropa Ligasi. “Roma” o‘z maydonida irodali g‘alabaga erishdi, “Arsenal” raqibini kichik hisobda mag‘lub etdi
Futbol bo‘yicha Yevropa Ligasi guruh bosqichining 6-turidan o‘rin olgan o‘yinlar 3-noyabr, payshanba kuni bo‘lib o‘tdi.
“Roma” “Ludagorets”ni o‘z maydonida qabul qildi. Uchrashuvning 41-daqiqasida Rik hisobni ochdi. 56-daqiqada Lorenso Pellegrini penaltini aniq amalga oshirib, muvozanatni tikladi. 65-daqiqada Pellegrini yana bir bor penaltini tepdi va “Roma”ni hisobda oldinga olib chiqdi. 85-daqiqada Nikolo Zaniolo rimliklarning uchinchi goliga mualliflik qildi. Eldor Shomurodov uchrashuvda maydonga tushmadi.
Guruhning ikkinchi o‘yinida “Betis” “HIK”ni 3:0 hisobida taslim etdi.
Shu tariqa Joze Mourinyo shogirdlari C guruhida 10 ochko bilan 2-o‘rinni egalladi. “Betis” 16 ochko jamg‘arib, guruh yetakchisi sifatida pley-offga yo‘l oldi. “Ludagorets” esa 7 ochko bilan 3-o‘rinni band etdi.
“Arsenal” esa “Syurix” bilan bahs olib bordi va 1:0 hisobida g‘alaba qozondi. Uchrashuvdagi yagona gol Keran Tirni hisobiga yozildi.
A guruhining ikkinchi bahsida “PSV” “Budyo Glimt” ustidan 2:1 hisobida zafar quchdi.
Londonliklar ochkolarini 15 taga yetkazib, 1-o‘rinni egalladi. “PSV” 13 ochko bilan 2-o‘rindan joy oldi. “Budyo Glimt” esa 4 ochko bilan 3-o‘rinda qolib ketdi.
Yevropa Ligasi
6-tur bahslari
3-noyabr, payshanba
“Roma” — “Ludagorets” 3:1
Gollar: 0:1 – 41 Rik, 1:1 – 56 Pellegrini (penalti), 2:1 – 65 Pellegrini (penalti), 3:1 – 85 Zaniolo.“Roma”: Ruy Patrisiu, Karsdorp (Kristante, 46), Smolling, Vinya, Rojer, Matich (Zalevski, 61), Pellegrini, Kamara (Volpato, 46; Bove, 80), Belotti (Zaniolo, 46), Abraham, Ash-Shaaravi.
“Ludogorets”: Padt, Vitryu (Delev, 87), Nedyalkov, Verdon, Sisinyo (Gruper, 87), Kauli, Petrovski (Gustavo, 71), Pedrinyo, Tekpetey (Despodov, 71), Rik, Igor Tiago (Tissera, 71).
Ogohlantirishlar: Sisinyo (15), Volpato (49), Igor Tiago (62), Nedyalkov (64), Petrovski (64), Rik (79), Zaniolo (87), Vinya (88), Gustavo (90).
Chetlatish: Verdon (90).
“Arsenal” — “Syurix” 1:0
Gol: 1:0 – 17 Tirni.“Arsenal”: Remsdeyl, Uayt (Tomiyasu, 73; Soaresh, 88), Holding, Gabriel, Tirni, El-Nenni (Parti, 63), Lokonga, Fabiu Vieyra (Edegor, 73), Gabriel Jezus (Saka, 63), Nelson, Nketia.
“Syurix”: Brexer, Boraniyashevich, Aliti (Santini, 89), Katich, Kamberi, Gerrero, Selnes (Xornshu, 77), Konde (Krasniki, 82), Roner (Markezano, 46), Okita, Ayegun (Vyunnik, 78).
Ogohlantirishlar: Aliti (32), Katich (49), Konde (62), Gabriel (90).
