Futbol bo‘yicha Yevropa Konferensiyalar Ligasining 1/4 final bosqichi javob o‘yinida “Roma” 14-aprel, payshanba kuni “Budyo-Glimt” bilan bahs yuritdi.
Rimda kechgan bellashuv “bo‘rilar”ning yirik g‘alabasi bilan yakunlandi. 5-daqiqada Temmi Abraham darvozabondan qaytgan to‘pni darvozaga joylab qo‘yib, hisobni ochdi. Tanaffusgacha mezbonlar yana ikki marta raqib darvozasiga yo‘l topdi, har ikkala golga ham Nikolo Zanyolo mualliflik qildi. Ikkinchi 45 daqiqalikda Nikolo yana bir bor o‘z nomiga gol yozdirib, het-trik muallifiga aylandi.
Uchrashuvda “Roma”ning o‘zbekistonlik hujumchisi Eldor Shomurodov maydonga tushirilmadi.
Shu tariqa Joze Mourinyo shogirdlari ikki o‘yin natijasiga ko‘ra Norvegiya klubini 5:2 hisobida yengib, Konferensiyalar Ligasining 1/2 finaliga yo‘l oldi. Jamoalarning dastlabki bahsida 2:1 “Budyo-Glimt”ning qo‘li baland kelgandi.
Qayd etib o‘tish kerak, rimliklar ushbu jamoa bilan bir guruhdan o‘rin olgandi. Rimliklar bitta o‘yinda mag‘lubiyatga uchragan (6:1) bo‘lsa, yana bir o‘yinda durang (2:2) natija qayd etgan.
Konferensiyalar Ligasi
1/4 final, javob bahslari
14-aprel, payshanba
“Roma” Italiya – “Budyo-Glimt” Norvegiya 4:0
Gollar: 1:0 – 5 Abraham, 2:0 – 23 Zanyolo, 3:0 – 29 Zanyolo, 4:0 – 49 Zanyolo.“Roma”: Ruy Patrisiu, Karsdorp, Smolling, Manchini, Rojer, Zalevski (Meytlend-Naylz, 86), Mxitaryan (Veretu, 85), Kristante, Pellegrini (Serjiu Oliveyra, 76), Zanyolo (Afena-Gyan, 60), Abraham (Karles Peres, 86).
“Budyo-Glimt”: Haykin, Sampsted, Hoybroten, Moe (Seri, 61), Vembangomo (Kvile, 89), Saltnes, Vetlesen, Hagen, Kumson (Mvuka, 73), Espeyord (Bonifase, 61), Solbakken (Selvog, 89).
Ogohlantirishlar: Manchini (54).
Dastlabki o‘yin — 1:2.
“PSV” Niderlandiya – “Lester” Angliya 1:2
Gollar: 1:0 – 27 Zaxavi, 1:1 – 77 Meddison, 1:2 – 88 Rikardu Pereyra.Dastlabki o‘yin — 0:0.
“Slaviya” Chexiya – “Feyenoord” Niderlandiya 1:3
Gollar: 0:1 – 2 Dessers, 1:1 – 14 Traore, 1:2 – 59 Dessers, 1:3 – 78 Sinisterra.Dastlabki o‘yin — 3:3
“PAOK” Gretsiya – “Marsel” Fransiya 0:1
Gol: 0:1 – 34 Payet.Dastlabki o‘yin — 1:2.
Izoh (0)