Futbol bo‘yicha Yevropa Ligasi guruh bosqichining 4-turidan o‘rin olgan qator o‘yinlar 13-oktabr, payshanba kuni bo‘lib o‘tdi.
“Arsenal” safarda Bukayo Sakaning yagona goli evaziga “Budyo Glimt” ustidan g‘alaba qozondi.
Londonliklar ushbu g‘alabadan so‘ng ochkolarini 9 taga yetkazib oldi. Norvegiya klubi esa 4 ochko bilan 3-o‘rinda bormoqda.
“Roma” esa Ispaniyada “Betis”ga qarshi maydonga tushdi. Uchrashuvning 34-daqiqasida Serxio Kanales hisobni ochdi. 53-daqiqada esa Andrea Belotti muvozanatni tikladi. Qolgan daqiqalarda darvozalar ishg‘ol etilmadi. Eldor Shomurodov maydonga tushirilmadi.
Durang natijadan so‘ng Joze Mourinyo shogirdlari ochkolarini 4 taga yetkazib, 2-o‘rinda bormoqda, “Betis” esa 10 ochko bilan guruh yetakchisi bo‘lib turibdi.
Yevropa Ligasi
4-tur bahslari
13-oktabr, payshanba
“Budyo Glimt” — “Arsenal” 0:1
Gol: 0:1 – 24 Saka.“Budyo Glimt”: Haykin, Sampsted, Hoybroten (Moe, 89), Lode, Vembangomo, Berg, Saltnes (Grenbek, 12), Vetlesen, Espeyord (Salvesen, 76), Pellegrino (Mvuka, 89), Solbakken.
“Arsenal”: Terner, Uayt (Tomiyasu, 70), Holding, Saliba, Tirni, Edegor (Markinyos, 70), Lokonga (Parti, 84), Fabiu Vieyra, Saka (Jaka, 59), Nelson (Martinelli, 59), Nketia.
Ogohlantirishlar: Saka (30), Vetlesen (66), Parti (89), Terner (90).
“Betis” — “Roma” 1:1
Gollar: 1:0 – 34 Kanales, 1:1 – 53 Belotti.“Betis”: Bravo, Pesselya, Luis Felipe, Miranda (Moreno, 87), Guardado (Vilyam Karvalyu, 80), Xoakin (Luis Enrike, 69), Kanales (Rodriges, 81), Akuoku, Rodri, Ruibal, Villian Joze (Iglesias, 69).
“Roma”: Ruy Patrisiu, Smolling, Manchini, Rojer, Spinassola (Vinya, 71), Matich (Kamara, 46), Kristante, Pellegrini (Ash-Shaaravi, 88), Zalevski, Belotti (Bove, 76), Abraham.
Ogohlantirishlar: Xoakin (31), Guardado (31), Matich (35), Manchini (44), Kamara (58), Miranda (80), Sanches (90).
Izoh (0)