Futbol bo‘yicha Italiya A Seriyasining 19-tur doirasidagi markaziy uchrashuvda Rimning ikki klubi “Roma” va “Latsio” bahs olib bordi.
Uchrashuvning 10-daqiqasida mezbonlar vakili Pellegrini hisobni ochdi. 8 daqiqa o‘tib Salemakers hisobni 2:0 ga yetkazdi. Ushbu hisob o‘yin so‘nggigacha saqlanib qoldi.
Ushbu g‘alabadan so‘ng “Roma” ochkolari sonini 23 taga yetkazib oldi va 19-turdan so‘ng 10-o‘rinda bormoqda.
O‘zbekistonlik Eldor Shomurodov ushbu o‘yinda 74-daqiqada maydonga tushdi va samarali harakatni amalga oshirmadi. Sofascore nashri uning o‘yinini 6,5 ballga loyiq ko‘rgan.
Mezbonlar darvozaboni Svilar va gol muallifi Salemakers eng yuqori 8,3 ballga baholandi.
“Roma” keyingi uchrashuvni “Bolonya”ga qarshi o‘tkazadi.
Italiya A seriyasi
19-tur bahsi
5-yanvar, yakshanba
“Roma” — “Latsio” 2:0
Gollar: 1:0 – 10 Pellegrini, 2:0 – 18 Salemakers.
“Roma”: Svilar, Ndika, Xummels, Manchini, Anxelinyo, Pellegrini (Pizilli, 67), Paredes, Kone, Salemakers (El Shaaravi, 67), Dovbik (Eldor Shomurodov, 74), Dibala (Baldansi, 74).
“Latsio”: Provedel, Nunu Tavaresh (Noslin, 89), Romanyoli, Xila, Marushich (Ladzari, 79), Rovella, Genduzi, Zakkani (Pellegrini, 89), Dele-Bashiru (Dia, 46), Isaksen (Tshauna, 46), Kastelyanos.
Chetlatish: Kastelyanos (90+5).
Izoh (0)