Futbol bo‘yicha Yevropa Ligasi guruh bosqichining 5-turidan o‘rin olgan o‘yinlar 27-oktabr, payshanba kuni bo‘lib o‘tdi.
“Manchester Yunayted” 5-turda “Sheriff” bilan bahs olib bordi. Uchrashuvning 44-daqiqasida Diogo Dalot hisobni ochdi. 65-daqiqada Markus Reshford mankunianliklarning ikkinchi goliga mualliflik qildi. 81-daqiqada Krishtianu Ronaldu ham o‘z hisobiga gol yozdirib qo‘ydi.
“Qizil iblislar” ochkolarini 12 taga yetkazib E guruhida 2-o‘rinda bormoqda.
“Roma” “HIK”ka qarshi maydonga tushdi. 41-daqiqada Temmi Abraham hisobni ochdi. 54-daqiqada Perparim Hetemay muvozanatni tikladi. 62-daqiqada Artu Hoskonen o‘z darvozasini ishg‘ol qilib qo‘ydi va rimliklarni hisobda oldinga chiqib olishiga sababchi bo‘ldi. O‘yinning qolgan daqiqalarida gol urilmadi va “Roma” g‘alaba qozondi. Eldor Shomurodov 77-daqiqada Pellegrini o‘rniga maydonga tushdi.
Joze Mourinyo shogirdlari 7 ochko jamg‘ardi va 2-o‘rinni egallab turibdi. Pley-off yo‘llanmasi so‘nggi turda hal bo‘ladi.
Yevropa Ligasi
5-tur bahslari
27-oktabr, payshanba
“Manchester Yunayted” — “Sheriff” 3:0
Gollar: 1:0 – 44 Diogu Dalot, 2:0 – 65 Reshford, 3:0 – 81 Ronaldu.“Manchester Yunayted”: De Xea, Diogu Dalot (Shou, 63), Lindelef, Martines (Maguayr, 46), Malasia, Eriksen, Kazemiro (Maktomini, 63), Brunu Fernandesh, Ronaldu, Antoni (Reshford, 46), Garnacho (van de Bek, 79).
“Sheriff”: Koval, Renan Gedes, Radelich, Kiki, Kpozo, Badolo (Gliga, 90), Kiabu, Diop (Hatman, 79), Mudasiru, Atemven (Koval, 89), Rashid (Pernambuko, 79).
Ogohlantirishlar: Rashid (22), Renan Gedes (64), Maguayr (84).
“HIK” — “Roma” 1:2
Gollar: 0:1 – 41 Abraham, 1:1 – 54 Hetemay, 1:2 – 62 Hoskonen (avtogol).“HIK”: Hazard, Halme, Hoskonen, Peltola, Soyri, Hetemay (Bujelyab, 69), Lingman, Vyayanyanen, Hostikka, Olusanya (Abubakari, 46), Braun.
“Roma”: Ruy Patrisiu, Smolling, Manchini, Vinya, Kristante (Kumbula, 84), Pellegrini (Shomurodov, 77), Kamara (Bove, 78), Volpato (Fatikanti, 77), Zalevski, Abraham, Ash-Shaaravi (Spinassola, 89).
Ogohlantirishlar: Manchini (22), Halme (34), Ruy Patrisiu (82), Abubakari (82), Spinassola (90).
Izoh (0)