Futbol bo‘yicha Italiya chempionatining 26-turidan o‘rin olgan so‘nggi bahsda “Roma” o‘z maydonida autsayder “Monsa”ni qabul qildi.
Mezbonlar raqib darvozasiga javobsiz 4 ta to‘p kiritdi. Rimliklar safida maydonga tushgan O‘zbekiston milliy jamoasi sardori Eldor Shomurodov 70 daqiqa harakat qilib, 1 ta gol urdi va yana bir golga hammualliflik qildi.
Uchrashuvning 10-daqiqasida Salemakers Eldorning pasidan keyin zarba berib hisobni ochdi. 32-daqiqada Soulening uzatmasini Shomurodov bosh bilan zarba yo‘llab golga aylantirdi. Ikkinchi bo‘limda Anxelino va Kristantelar gol urib, hisob 4:0 bo‘lishini ta’minladi.
Ushbu g‘alabadan so‘ng, Rim klubi ochkolari sonini 40 taga yetkazib, 9-o‘rinni egallab turibdi. “Monsa” 14 ochko bilan 20-pog‘onada qoldi.
A Seriya
26-tur
24-fevral, dushanba
“Roma” — “Monsa” 4:0
Gollar: 1:0 — Salemakers (10), 2:0 — Shomurodov (32), 3:0 — Anxelino (73), 4:0 — Kristante (88).
“Roma”: Svilar, Manchini, Hummels, Ndika, Salemakers (Rench, 70), Kristante, Pisilli, Anxelino (Saloh-Eddin, 80), Baldanzi (Dibala, 62), Soule, Shomurodov (Paredes, 70).
“Monsa”: Turati, Brorsson, Lekovich, Karboni (Palasios, 76), Pereyra, Byanko, Urbanski (Martins, 56), Kiriopulos, Churria (Zeroli, 56), Mota (Keyta, 56), Ganvoula (Petanya, 46).
Ogohlantirish: Byanko (58).
Izoh (0)