Futbol bo‘yicha Yevropa Ligasi guruh bosqichining 3-turidan o‘rin olgan qator o‘yinlar 6-oktabr, payshanba kuni bo‘lib o‘tdi.
“Arsenal” o‘z maydonida “Budyo Glimt”ni qabul qildi va 3:0 hisobida g‘alaba qozondi. Londonliklar safida Edvard Nketia, Rob Holding va Fabio Veiralar gol muallifiga aylandi.
“Kanonirlar” ochkolari sonini 6 taga yetkazib, musobaqa peshqadamligini saqlab turibdi. Norvegiya klubi esa 4 ochko bilan 3-pog‘onani band etgan.
“Roma” esa “Betis”ga qarshi bahs olib bordi. Uchrashuvning 34-daqiqasida Paulo Dibala penaltidan unumli foydalanib, hisobni ochdi. 40-daqiqada Guido Rodriges muvozanatni tikladi. Biroq 88-daqiqada Luis Enrike ispan jamoasining g‘alaba golini urdi. O‘yin so‘ngida rimliklar a’zosi Nikolo Zaniolo qizil kartochka olib, maydonni tark etdi.
“Betis” ochkolarini 9 taga yetkazib, guruhda peshqadam bo‘lib turibdi. Rimliklar 3 ochko bilan 3-o‘rinni band etgan.
Yevropa Ligasi
3-tur bahslari
6-oktabr, payshanba
“Arsenal” — “Budyo Glimt” 3:0
Gollar: 1:0 – 23 Nketia, 2:0 – 27 Holding, 3:0 – 84 Fabiu Vieyra.“Arsenal”: Terner, Tomiyasu, Xolding, Gabriel, Tirni (Uayt, 70), Jaka (Edegor, 59), Lokonga, Fabiu Vieyra, Nketia (Nelson, 82), Martinelli (Gabriel Jezus, 58), Markinyos (Saka, 59).
“Budyo Glimt”: Haykin, Sampsted (Konradsen, 88), Moe, Lode (Hoybroten, 88), Vembangomo, Berg, Saltnes, Vetlesen (Grenbek, 73), Espeyord (Salvesen, 88), Pellegrino, Mvuka (Solbakken, 73).
Ogohlantirishlar: Vembangomo (33), Jaka (41), Sampsted (53).
“Roma” — “Betis” 1:2
Gollar: 1:0 – 34 Dibala (penalti), 1:1 – 40 Rodriges, 1:2 – 88 Luis Enrike.“Roma”: Ruy Patrisiu, Chelik (Spinassola, 5), Smolling, Manchini, Rojer, Matich, Kristante (Kamara, 80), Zaniolo, Dibala (Ash-Shaaravi, 80), Abraham (Belotti, 72), Zalevski.
“Betis”: Bravo, Pesselya, Luis Felipe, Miranda (Moreno, 76), Guardado (Vilyam Karvalyu, 75), Hoakin (Rodri, 60), Kanales, Rodriges, Ruibal, Villian Joze (Iglesias, 75), Fekir (Luis Enrike, 22).
Ogohlantirishlar: Luis Felipe (29), Bravo (32), Guardado (33), Manchini (71), Pesselya (83).
Chetlatish: Zaniolo (90).
Izoh (0)