Футбол бўйича Европа Лигаси 1/8 финал учрашувлари доирасидаги “Рома” — “Атлетик” баҳси бўлиб ўтди. Унда Рим клуби 2:1 ҳисобида ғалаба қозонди. Жамоанинг ғалаба тақдим этган голига Элдор Шомуродов муаллифлик қилди.
Ўйиндаги ҳисоб испанияликлар томонидан очилди. 50-дақиқада Уильямс гол уриб, “Атлетик”нинг ҳисобда олдинга чиқиб олишини таъминлади. Орадан 6 дақиқа ўтиб Анхелиньо “Рома”нинг ўйиндаги дастлабки голини киритди. Баҳс якунланишига бир неча сония қолганда эса 71-дақиқада захирадан майдонга тушган Шомуродов римликларга ғалаба келтирувчи гол муаллифига айланди. Якуний ҳисоб — 2:1, “Рома“ клубининг ғалабаси.
Европа Лигаси
1/8 финал
7 март, жума
“Рома” — “Атлетик” 2:1
Голлар: 0:1 — 50. Нико Уильямс, 1:1 — 56, Анхелиньо, 2:1 — 90+3, Элдор Шомуродов
“Рома”: Свилар, Челик, Манчини, Н’Дика, Ренч (Салемакерс, 60), Писилли (Коне, 77), Кристанте, Анхелиньо, Дибала (Суле, 71), Балданзи (Эл-Шарави, 60), Довбик (Шомуродов, 71).
“Атлетик”: Хулен, Бершиш, Альварес, Вивиан (Паредес, 23), Де Маркос, Микель (Прадос Диас, 63), Руис, Нико Уильямс (Беренгер, 77), Гомес (Весга, 77), Инаки Уильямс, Саннади (Гурусета, 63).
Четлатиш: Альварес, 85
Эслатиб ўтамиз, ушбу жамоалар ўртасидаги жавоб баҳси 13 март куни Бильбаодаги “Сан Мамес” стадионида бўлиб ўтади.
Изоҳ (0)