Futbol bo‘yicha Yevropa Konferensiyalar Ligasining 1/4 final bosqichi dastlabki o‘yinida “Roma” 7-aprel, payshanba kuni “Budyo-Glimt” bilan bahs yuritdi.
Norvegiyada kechgan bahsda mezbonlarning qo‘li baland keldi. Dastlab Lorenso Pellegrini birinchi bo‘lim yakunlanishi arafasida “Roma”ning kombinatsiyasini golga aylantirib, mehmonlarni hisobda oldinga olib chiqdi. 56-daqiqaga kelib, Bris Vembangomo muvozanatni tiklashga muvaffaq bo‘ldi. Ushbu vaziyatda rimliklar darvozaboni Ruy Patrisiuning ishonchsiz harakat qilganini qo‘shimcha qilish mumkin. Asosiy vaqt tugashiga bir daqiqa qolganida esa Ugo Vetlesen jarimadan oshirilgan to‘pni boshi bilan darvozaga joylab, “Budyo-Glimt”ning g‘alabasini ta’minladi.
Shu tariqa “Roma” safarda kechgan bahsda alamli mag‘lubiyatga uchradi. Jamoaning o‘zbekistonlik hujumchisi Eldor Shomurodov uchrashuvning 65-daqiqasida zaxiradan o‘yinga qo‘shildi.
Qayd etib o‘tish kerak, rimliklar ushbu jamoa bilan bir guruhdan o‘rin olgandi. Joze Mourinyo shogirdlari bitta o‘yinda mag‘lubiyatga uchragan (6:1) bo‘lsa, yana bir o‘yinda durang (2:2) natija qayd etilgan. Tomonlarning javob bellashuvi 14-aprel sanasiga belgilangan.
Konferensiyalar Ligasi
1/4 final, dastlabki bahslar
7-aprel, payshanba
“Budyo-Glimt” Norvegiya – “Roma” Italiya 2:1
Gollar: 0:1 – 43 Pellegrini, 1:1 – 56 Vembangomo, 2:1 – 89 Vetlesen.“Budyo-Glimt”: Xaykin, Sampsted, Hoybroten, Moe (Kvile, 90), Vembangomo, Saltnes, Vetlesen, Hagen, Kumson (Mvuka, 82), Espeyord (Bonifase, 77), Pellegrino.
“Roma”: Ruy Patrisiu, Karsdorp, Manchini (Smolling, 69), Kumbula, Rojer, Zalevski (Vinya, 65), Mxitaryan (Shomurodov, 65), Serjiu Oliveyra, Kristante, Pellegrini, Abraham.
Ogohlantirishlar: Kristante (18), Vinya (88).
Izoh (0)