Futbol bo‘yicha Italiya Kubogi chorak finalidan o‘rin olgan markaziy bahsda “Milan” “Roma”ni qabul qildi.
Uchrashuvning dastlabki bo‘limida mezbonlar Abrahamning dubli evaziga oldinga chiqib oldi. 54-daqiqada “Roma” hujumchisi Dovbik hisobni 2:1 holatiga keltirdi. “Milan” klubiga yangi qo‘shilgan “Chelsi” futbolchisi Feliks debyut o‘yinida gol urib, “Milan”ning g‘alabasini ta’minladi — 3:1.
O‘zbekiston terma jamoasi futbolchisi Eldor Shomurodov asosiy tarkibda maydonga tushdi va ikkinchi bo‘limning dastlabki daqiqalarida o‘rnini Dovbikka bo‘shatib berdi.
“Rossoneri” final yo‘llanmasi uchun “Inter” — “Latsio” juftligi g‘olibiga qarshi o‘ynaydi.
Italiya Kubogi
1/4 final bahsi
6-fevral, chorshanba
“Milan” — “Roma” 3:1
Gollar: 1:0 — Abraham (16), 2:0 — Abraham (42), 2:1 — Dovbik (54), 3:1 — Feliks (72).
“Milan”: Menyan, Teo, Pavlovich, Tomori, Uoker, Reynders, Fofana, Musa (Sottil, 90), Pulishich (Joau Feliks, 59), Alexandro Ximenes (Leau, 70), Abraham (Santiago Ximenes, 59).
“Roma”: Svilar, Ndika, Hummels (Nelsson, 79), Chelik (Rensx, 46), Anxelino, Pizilli, Paredes (Pellegrini, 46), Kone, Salemakers (El Shaaravi, 80), Shomurodov (Dovbik, 46), Dibala.
Ogohlantirish: Kone (70).
Izoh (0)