АҚШ президенти Дональд Трамп 6 март куни 2020 йилги савдо келишуви доирасида Мексика ва Канада товарларига нисбатан 25 фоизлик божларни тўхтатиб қўйишини айтди. Тарифлар сабаб одамлар тирикчилиги хавф остида қолгани айтилмоқда. Бу ҳақда CBS News хабар берди.
Трамп буни Мексика президенти Клаудия Шейнбаум билан суҳбатдан сўнг ижтимоий тармоқдаги постида эълон қилган. Имтиёзлар учала давлатнинг келишувида қайд этилган маҳсулотлар импортига нисбатан қўлланади. Шартнома акс этмаган товарларга эса 25 фоизлик тарифлар амал қилади.
Мексика президенти Клаудия Шейнбаум билан суҳбатлашганимдан сўнг, USMCА келишувига (учта давлат ўртасида тузилган) кирадиган маҳсулот учун Мексика бож тўлашга мажбур бўлмаслигига келишиб олдик. Муносабатларимиз жуда яхши ва биз чегарада ноқонуний чет элликларнинг Қўшма Штатларга киришини ҳадма фентанил оқимини тўхтатиш бўйича ҳам биргаликда қаттиқ ишлаяпмиз. Президент Шейнбаумга ҳамкорлиги учун миннатдорлик билдираман!, деди Трамп.
USMCА келишуви Мексикадан АҚШга импортнинг катта қисмини қамраб олади
АҚШ 2023 йилда Мексикадан 45 миллиард доллардан ортиқ қишлоқ хўжалиги маҳсулотларини импорт қилди. АҚШ Қишлоқ хўжалиги вазирлиги маълумотларига кўра, импортнинг деярли тўртдан уч қисми сабзавотлар, мевалар, пиво, текила ва спиртли ичимликларга тўғри келади.
USMCАга киритилмаган Канада энергетикасига10 фоизлик тариф белгиланиши кутилмоқда. Бу эса АҚШ фермерлари Канададан импорт қиладиган газ нархлари ҳамда электр энергияси харажатларини ошириши мумкин.
Оқ уй расмийсига кўра, 2024 йилда Канададан барча импортнинг 38 фоизи USMCА томонидан қопланган ва шунинг учун божлардан озод қилинган. Мексикада эса бу кўрсаткич 49,6 фоизни ташкил қилади.
Бугунги қарор АҚШ божлари келтириб чиқарадиган баъзи иқтисодий зарарларни юмшатган бўлса-да, бу байрам қилиш вақти эмас. Иқтисодиёт ўйинчоқ эмас. Доимий таҳдидлар ва иқтисодий ноаниқлик ўз таъсирини кўрсатди.
Биз буни кечиктирилган бизнес инвестициялари, истеъмолчилар ишончининг пасайиши, тўхтаб қолган капитал оқимлари ва ўзгарувчан фонд бозорида кўряпмиз. Одамларнинг тирикчилиги хавф остида. Иккала иқтисодиёт учун ҳам зарур бўлган ягона нарса — истисносиз барча тарифлар столдан олиб ташланиши, деди Канада Савдо палатасининг давлат сиёсати бўйича раҳбари Метю Холмс.
Изоҳ (0)