Avstraliya Rossiyaga qarshi mudofaa urushini olib borayotgan Ukrainaga tinchlikparvar kuchlarni yuborishi mumkin. Bu haqda Avstraliya bosh vaziri Entoni Albanezega tayanib, Deutsche Welle xabar berdi.
Hozirda Avstraliya tinchlikparvar kuchlarining xalqaro missiya tarkibida ishtirok etish imkoniyati ko‘rib chiqilmoqda.
Avstraliya allaqachon Afrika, Kipr va bir qator tinchlikni saqlash hududlarida muhim rol o‘ynab kelmoqda. Biz Ukrainada tinchlik bo‘lishini xohlaymiz, biroq, shu bilan birga, Rossiyaning qonunga xilof va axloqsiz harakatlari mukofotlanmasligiga, Vladimir Putin ham, uning bosqinchilik niyatlari ham rag‘batlantirilmasligiga ishonch hosil qilishni istaymiz, dedi Albaneze.
Avstraliya NATO a’zosi emas, ammo alyansning global hamkorlari qatoriga kiradi. Avstraliya bosh vazirining bayonoti AQSH prezidenti Donald Tramp Ukrainaga barcha harbiy yordamni to‘xtatishni buyurganidan keyin yangradi. AQSH qurollar yuborishdagi “pauza” Ukraina rahbariyati “tinchlikka sodiqligi”ni namoyish qilganida davom etishini bildirdi.
Ukrainaga tinchlikni kafolatlarini berishni xohlovchilar
2-mart kuni Buyuk Britaniya bosh vaziri Kir Starmer Londondagi sammit yakunlari bo‘yicha “Ukraina bo‘yicha tinchlik kelishuvni himoya qilish va uni kafolatlash istagida bo‘lganlar koalitsiyasini tuzishga” va’da berdi. Buyuk Britaniya boshqa kuchlar bilan bir qatorda yerdagi kuchlar va havodagi samolyotlar bilan buni qo‘llab-quvvatlashga tayyor.
Britaniyadan tashqari Irlandiya ham Ukrainaga qo‘shin yuborish rejasini ko‘rib chiqmoqda. Irlandiya bosh vaziri Mishel Martin ta’kidlashicha, bu ustuvor vazifa, chunki u Ukrainaga ma’lum xavfsizlik kafolatlarini beradi va iqtisodiy jihatdan kelajakda mamlakat uchun katta imkoniyatlar ochadi.
Izoh (0)