AQSH prezidenti Donald Tramp Associated Press agentligi muxbiriga Oq uyga kirishni taqiqladi. Bunga sabab tahririyat prezidentning yangi farmonida talab qilinganidek, “Meksika ko‘rfazi” o‘rniga “Amerika ko‘rfazi” nomini ishlatishdan bosh tortgani bo‘ldi.
AP bosh muharriri Juli Peys agentlik ogohlantirish olgani haqida ma’lum qildi. Unga ko‘ra, agar nashr o‘zining tahririyat me’yorlarini prezident farmoniga muvofiqlashtirmasa, ularning muxbiriga Oq uydagi tadbirlarni yoritish taqiqlanadi. Shu munosabat bilan jurnalist haqiqatan ham Oval kabinetda Trampning navbatdagi farmonini imzolash marosimiga kiritilmadi.
AP’ning kirish huquqini bizning tahririyat siyosatimiz tufayli cheklash nafaqat mustaqil jurnalistikaga aralashish, balki AQSH Konstitutsiyasiga kiritilgan birinchi tuzatishni to‘g‘ridan to‘g‘ri buzishdir, deya ta’kidladi Peys va bu vaziyatni matbuot uchun “xavotirli signal” deb atadi.
Izoh (0)