AQSH mamlakatdagi 200 dan ortiq hindistonlik va markaziy osiyolik noqonuniy migrantlarni Kosta Rikaga yuboradi. Bu haqda Kosta Rika prezidenti ma’muriyatiga tayanib, The New York Times xabar berdi.
Odamlarning birinchi guruhi shu chorshanba kuni (19-fevral) mamlakatga yetib keladi. Kosta Rika ularga o‘z mamlakatlariga yetib borishda ko‘prik vazifasini o‘taydi. Hukumati 200 nafar noqonuniy muhojirni o‘z mamlakatiga qaytarishda Qo‘shma Shtatlar bilan hamkorlik qilishga rozi bo‘ldi, deyiladi Kosta Rika prezidenti ma’muriyatin e’lonida.
Hukumatning aniqlik kiritishicha, Markaziy Osiyo va Hindistondan kelgan noqonuniy shaxslar tijorat reyslari orqali olib kelinadi, shundan so‘ng ular Korredores kantonidagi migrantlarga xizmat ko‘rsatish markaziga joylashtiriladi.
Jarayon to‘liq AQSH hukumati tomonidan Xalqaro migratsiya tashkiloti nazorati ostida moliyalashtiriladi, bu agentlik muhojirlarning mamlakatda bo‘lishi davomida ularga g‘amxo‘rlik qiladi, deyiladi xabarda.
20-yanvar kuni Donald Tramp inauguratsiya nutqida Amerika hududiga noqonuniy kirishni to‘xtatishga va millionlab muhojirlarni ekstraditsiya qilishga va’da bergan. Shuningdek, janubiy chegaradagi vaziyat tufayli umummilliy favqulodda holat joriy qilgan.
AQSH 970 dan ortiq O‘zbekiston fuqarosini deportatsiya qiladi
Deportatsiya qilinadigan O‘zbekiston fuqarolari soni 975 kishini tashkil etmoqda. Immigratsiya va bojxona xizmati 2024-yil noyabr oyidagi hisobotni tadqim etdi. Umumiy hisobda, turli davlatlardan 1 445 549 nafar chet el fuqarosi chiqarib yuboriladi.
Ular hibsga olinmagan, biroq deportatsiya qilish bo‘yicha yakuniy qaror qabul qilingan. Bundan tashqari, ro‘yxatda allaqachon mavjud bo‘lmagan davlatlar — SSSR va Yugoslaviya ham keltirilgan. Ushbu pasportlarga ega bo‘lgan shaxslar aynan qaysi davlatga yuborilishi noma’lum.
Deportatsiya qilinadiganlar orasida Meksika (252 044), Gvatemala (253 413), Gonduras (261 651) va El-Salvador (203 822 kishi) yetkachilik qilmoqda
Xitoyning 37,908 nafar fuqarosi mamlakatdan chiqarib yuborish to‘g‘risidagi yakuniy qaror bilan ro‘yxatga kiritilgan. Shuningdek, ro‘yxatda Markaziy Osiyo davlatlari orasida Qozog‘iston (369), Qirg‘iziston (319), Tojikiston (149) va Turkmaniston (40) fuqarolari ham bor.
Izoh (0)