Burak O‘zchivit Rossiyada bo‘lib o‘tgan “Turk seriallaridagi qo‘shiqlar” konsert dasturida ishtirok etdi.
Foto: Kinomail.ru
Tadbir boshlovchisi Ivan Chuykov mashhur turk aktyori bilan kinodagi faoliyati haqida suhbatlashdi. Intervyuda ular “Sevgi iztirobi”dagi O‘zchivit qahramonining fojiali ravishda vafot etgan epizod — final qismini eslashdi. Burak boshida serial shunday yakun topishiga qarshi bo‘lganini tan oldi, lekin rejissyor va ssenariy mualliflari aynan shunday final bo‘lishini aktyordan talab qilishgan.
“Tomoshabinlarga ham Kamolning vafoti yoqmagan edi, men ham ssenariy shunday yakunlanishi istamagan edim. Fikrimcha, Kamol bunga loyiq emas edi. Tanlash uchun ikkita variant bor edi: serialning baxtli yakuni yoki shov-shuvli fojia tarzida baxtsiz final. Rejissyor barchaning xotirasida uzoq vaqt esda qoladigan final qilishni istadi. Shuning uchun Kamol o‘sha tugmadan oyog‘ini oldi, dedi O‘zchivit.
“Sevgi iztirobi” (Kara Sevda) 2015—2017-yillarda Turkiyaning Star TV kanalida efirga uzatilgan mashhur turk seriali. Uni Ay Yapım studiyasi suratga olgan. Serial romantik drama va sevgi uchburchagi mavzusini ko‘taradi.
Foto: Kinomail.ru
Syujetga ko‘ra, oddiy oiladan chiqqan, ammo kelajagi porloq muhandis yigit Kamol tasodifan boy oilaning farzandi — rassom qiz Nihon bilan tanishib qoladi. Ularning sevgisi taqdir sinovlariga duch keladi. Amir, Nihonni o‘ziniki qilish uchun makkor reja tuzadi. Kamol va Nihon orasidagi sevgi iztiroblarga, fitnalarga va ko‘plab sirlarga boy bo‘ladi.
Kamolning o‘limi
Foto: Kinomail.ru
Amir Nihonni o‘zining nazorati ostida ushlab turish uchun portlovchi minalar bilan to‘ldirilgan maydon tayyorlaydi. U Kamolni ham bu o‘lim tuzog‘iga jalb qiladi. Kamol Nihonni va uning qizini qutqarish uchun o‘z jonini xavf ostiga qo‘yib, minani zararsizlantirishga harakat qiladi. Biroq u Nihonni qutqarishga muvaffaq bo‘lsa ham, o‘zi minaning portlashi natijasida halok bo‘ladi.
Foto: Kinomail.ru
Oxirgi sahnalarda Nihonning qattiq iztirobga tushishi va Kamolning fojiali o‘limi tasvirlanadi. Bu sahnalar ko‘plab tomoshabinlarni chuqur ta’sirlantirgan.
Izoh (0)