Turk aktyor va aktrisalari shaxsiy hayotida ro‘y berayotgan yangiliklar va hozirda yulduzlar nimalar bilan band ekani haqida ma’lumotlarni e’tiboringizga havola qilamiz.
Hafsanur Sanjaktutan va Kubilay aka yana birga
Juftlikning arazlashuvi uzoq davom etmadi, garchi turk matbuotining ba’zi vakillari Kubilayni xiyonatda ayblagan bo‘lsa ham, juftlik tez orada yarashib oldi. Ularni kuni kecha Amsterdam aeroportida birgalikda ko‘rishgan.
Anjelina Joli “Mariya” filmida Xaluk Bilginer bilan ishlash taassurotlari haqida gapirdi
Anjelina Joli va Xaluk Bilginer ishtirokidagi “Mariya” filmi turk kino sanoati uchun yana bir yutuq bo‘ldi. Ammo filmning premyerasi bo‘lib o‘tgan kinofestivalga Bilginer tashrif buyurmadi. Joli esa qisqa intervyu davomida Xaluk bilan hamkorlik qanday o‘tgani haqida o‘zining mulohazalarini bildirdi:
“Biz Xaluk Bilginer bilan qisqa vaqtda do‘stlashib ketdik. Aminmanki, u Turkiyada va butun dunyoda o‘z avlodining buyuk aktyorlaridan biridir. Bilginer professional aktyor va hazilkash inson sifatida yodimda qoldi. U bilan ishlash juda maroqli edi”, dedi Joli.
Afra Saracho‘g‘lu va Mert Ramazon Demir Yangi yil bayramini birga o‘tkazdi
Albatta, buni tasdiqlaydigan fotosuratlar tarmoqlarga joylanmagan bo‘lsa-da, “Qo‘rg‘on sirlari” yulduzlari 2025-yilni birgalikda kutib olgani haqidagi faktni inkor qilib bo‘lmaydi. Juftlik bayramni do‘stlari davrasida o‘tkazganini do‘stlarining fotosuratlari orqali ko‘rish mumkin.
Taro Emir Tekin Rossiyaga uchib keldi
“Qo‘rg‘on sirlari”da Kaya rolini ijro etgan Taro Emir Tekin avval Moskvada bir necha kun o‘tkazdi. So‘ng uning Sankt Peterburgga borishi xabar qilindi. Aktyor shaharning barcha diqqatga sazovor joylariga tashrif buyurdi.
Devrim O‘zkan va Bige O‘nal “Hammasi joyida” filmida suratga tushadi
Yaqinda ikki nafar yorqin aktrisaning yangi loyihada birga suratga tushishi ma’lum bo‘ldi. 2025-yilning yanvar oyida rejissyor Ahmet Kapuju tomonidan suratga olish ishlari boshlandi. Leyla rolini Devrim, Turkan rolini Biga ijro etadi. Film ssenariysi Ahmet Kapuju va Bekir Kerem Kurt tomonidan yozilgan.
“Shokir Posho oilasi” serialini suratga olish maydonida yong‘in sodir bo‘ldi
2024-yil oxirida “Shokir Posho oilasi” serialini suratga olish joyida yong‘in chiqdi va ko‘plab syomka maydonlari vayron bo‘ldi. Shu sababli vaqtinchalik serialni suratga olish ishlari to‘xtatib turildi.
O‘zge O‘zajar “Qizil sharbat” serialini tark etdi
“Qizil sharbat” serialida yong‘in bilan tugagan epizoddan so‘ng Fotihning ikkinchi xotini rolini ijro etgan aktrisa — yorqin antagonist O‘zge O‘zajar loyihani tark etdi.
Aktrisa Eje Irtem “Qizil sharbat” serialiga taklif etildi
O‘zge O‘zajar loyihani tark etgach, tez orada serial jamoasiga aktrisa Eje Irtem taklif qilindi. Turk xabarlariga ko‘ra, u Abdulloh Unalning Niderlandiyada joylashgan mehmonxonalaridan birining menejeri rolini o‘ynaydi.
Izoh (0)