Deyarli barcha yulduzlar plastik jarrohlik amaliyotidan o‘tadi, boisi tashqi ko‘rinish ular uchun muhim ahamiyatga ega. To‘g‘ri, aksariyatlari bu ishga haddan tashqari berilib ketib, turli operatsiyalar ularga nojo‘ya ta’sir ko‘rsatadi. Quyida ularning ayrimlari bilan tanishamiz.
Maryam Uzerli
Ba’zilar Maryam Uzerlining tashqi ko‘rinishi ajoyib deb o‘ylashadi. Biroq “Muhtasham yuz yil” seriali paytida yulduzni sevib qolgan muxlislar boshqacha fikrda. Tarixiy serial suratga olinish chog‘ida aktrisa tabiiy go‘zalligi bilan hammani maftun etgandi. Ammo kutilmaganda serialni tark etganidan so‘ng sochlarini sariqqa bo‘yab, keskin ozib ketdi va yuz tuzilishini butunlay o‘zgartirib yuborgan plastik jarrohlik amaliyotini o‘tkazdi.
Korreksiya qilingan yonoq suyagi tabiiyroq ko‘rinayotgan bo‘lsa-da, lablarining shakli umuman o‘xshamagan. Natijada yoqimli ko‘rinish ancha dag‘allashib, avvalgi go‘zallikdan asar ham qolmagan.
Hande Erchel
Hande Erchelning tashqi qiyofasidagi o‘zgarishlar aktrisaning muxlislari va tanqidchilari orasida doimiy muhokama mavzusi bo‘lib kelmoqda. Karyerasi boshlanganida u boshqacha ko‘rinishga ega edi, biroq buning sababi uning vazni ham bo‘lishi mumkin edi.
Hozirda aktrisa juda ozib ketgan, lekin plastik jarrohlarning ba’zi xizmatlaridan ham foydalangan, garchi o‘zi buning aksini ta’kidlasa ham. Tanqidchilarning fikriga ko‘ra, yonoq shaklining o‘zgarishi, “mushuk ko‘zlar”, kattalashgan lablar va hatto ko‘krak plastik operatsiyasi tobora sezilarli bo‘lib va bu aktrisa asl go‘zalligini butunlay yo‘qotishiga olib keldi.
Dilan Chechek Deniz
“Chuqur” seriali yulduzi Dilan Chichek Deniz nafaqat muxlislari, balki professional jarrohlar fikricha ham muvaffaqiyatsiz plastik jarrohlik qurboniga aylangan. 2023-yilda uning tashqi ko‘rinishi barcha tomoshabinlar tomonidan muhokama qilingan va bunga sabab yonoqdagi muvaffaqiyatsiz operatsiya bo‘lgan, bu esa qizning ko‘z shaklini jiddiy o‘zgartirgan. Shu tufayli uning butun tashqi ko‘rinishi qo‘polroq ko‘rina boshladi. Garchi Dilan operatsiyani astoydil rad etsa-da, hozir aktrisa avvalgidan yaxshiroq holatda, aftidan, u tajribaliroq mutaxassisni topgan.
Ebru Shahin
Ebru Shahin juda tabiiy ko‘rinadi, lekin aktrisaning “Beqaror” filmidagi karyerasini boshidanoq kuzatgan muxlislar uchun emas. Burni va yuzining o‘zgarishi Ebru obraziga o‘zgarishlar kiritdi. Yuz chiziqlari o‘tkirlashib, lablari do‘mboqlashdi, natijada yulduzga alohida joziba baxsh etuvchi dumaloq yonoqlar yo‘qoldi.
Mine Tugay
Mine Tugay “Qo‘rg‘on sirlari” serialida ishtirok etganidan keyin ijtimoiy tarmoqlarda ko‘plab muhokamalarga sabab bo‘ldi. Gap shundaki, ekranda aktrisa deyarli tanib bo‘lmas qiyofada ko‘rinish berdi. Albatta, hamma shu zahoti plastik jarrohlik muolajalari haqida yozishni boshladi. Lekin yulduz ham jim turmadi va sog‘lig‘ida muammolar borligini aytdi. Bu haqiqatmi yoki yo‘qmi, bilish qiyin, lekin uning ko‘zlari shakli aniq o‘zgargan, shuning uchun Mine yuzini o‘zgartirgan bo‘lishi mumkin. Va bu uning qiyofasiga unchalik “mos kelmagan”.
Robiya Soyturk
“Meni tingla” seriali yulduzi ham o‘zida plastik jarrohlik amaliyotini o‘tkazgan, garchi haligacha tashqi ko‘rinishida hech qanday plastik amaliyotlar yo‘qligini aytsa-da. Biroq hozir Robiyaning burni boshqacha, yonoq suyaklari o‘tkirlashgani, lablari shishgani bunga yaqqol dalil. Bundan tashqari, ba’zilar aktrisa blefaroplastika ham qildirgan deb gumon qiladi. Natijada Robiya Soyturk tirik odamga emas, ko‘proq qo‘g‘irchoqqa o‘xshab qolgan.
Izoh (0)