Turk aktyor va aktrisalari shaxsiy hayotida ro‘y berayotgan yangiliklar va hozirda yulduzlar nimalar band ekani haqida ma’lumotlarni e’tiboringizga havola qilamiz.
1. Rozet Xubes “Qo‘rg‘on sirlari” serialida Abidinning onasi rolini ijro etadi
Yaqinda “Qo‘rg‘on sirlari” ssenariy mualliflari sobiq haydovchi Feritning ota-onasi, hozirda Korhan ismi bilan tanilgan qahramon filmda halok bo‘lishi aytishgan edi. Aniqlanishicha, ushbu ma’lumot noto‘g‘ri bo‘lgan. Kuni kecha serialning navbatdagi qismi efirga uzatildi. Unda tomoshabinlar Rozet Xubes ijrosidagi Chichek obrazi bilan tanishishdi. Qizig‘i shundaki, aktrisaga dastlab Xattuch rolini taklif qilishgan, biroq u rad javobini bergan.
2. Aktrisa Bashak Gumuljinelio‘g‘lu “Eslatma” serialida ishtirok etadi
Disney+ tomonidan taqdim etilgan, Hande Erchel va Barish Arduch kabi mashhur aktyorlar bosh rollarni ijro etgan yangi serial asta-sekin aktyorlar tarkibini kengaytirib bormoqda. Yaqinda “Qalbim eshigini qoq” serialida suratga tushgan Bashak Gumuljinelio‘g‘lu “Eslatma” serialida ham rol o‘ynashi ma’lum bo‘ldi.
Insayderlarga ko‘ra, u Deniz Dereno‘g‘luning qallig‘i rolini ijro etadi. Syujetga ko‘ra, u Gunesh bilan ajrashganidan keyin, Denizni yoqtirib qoladi. Suratga olish ishlari 2024-yil dekabr oyi o‘rtalarida boshlanadi, loyiha esa 2025-yilning fevralida taqdim etilishi kutilmoqda.
3. Demet O‘zdemir Xalqaro arab festivalida “Eng yaxshi xalqaro aktrisa” nominatsiyasida mukofot oldi
“Mening ismim Farah” serialidagi ijrosi bilan barchani o‘ziga rom etgan Demet O‘zdemir DIAFA festivalida (Distinctive International Arab Festivals Awards) eng yaxshi aktrisa sifatida xalqaro mukofotga sazovor bo‘ldi. Uning sodiq muxlislari darhol aktrisani ijtimoiy tarmoqlarda tabriklashga tushdi.
“Festivalda mening ismim e’lon qilingach, ko‘plab ezgu tilaklar yozilgan xabarlarni qabul qildim. Buning uchun sizlarga rahmat aytaman. Bu mening birinchi mukofotim. Oramizdagi kilometrlar esa shunchaki raqamlar ekanligini yana bir bor anglab yetmoqdaman”, deb yozib qoldirdi aktrisa ijtimoiy tarmoqlarda.
Bundan tashqari, Demet festivalda aytadigan nutqini avvaldan tayyorladi va arab tilida hakamlar hay’atiga o‘z minnatdorchilik so‘zlarini aytdi. Bundan avval 2023-yilda Italiyada bo‘lib o‘tgan Kineo Awards marosimida "Eng yaxshi xalqaro aktrisasi” nominatsiyasida g‘olib bo‘lgan edi.
4. Aycha Ayshin Turan va Kerem Bursin birgalikda Isdin brendi reklamasida suratga tushishdi
Kerem Bursin va Aycha Ayshin Turan ispan kosmetika brendi Isdin’ning yangi reklama roligida birgalikda suratga tushdi. Aytishlaricha, ikkala yulduz ham 2024-yil 4-dekabr kuni o‘z muxlislariga o‘ziga xos syurpriz va’da qilishgan.
5. Ssenariy muallifi Su Erso‘z “Laylo” seriali jamoasiga qo‘shildi
O‘tgan haftada “Laylo” serialining reytinglari biroz tushib ketdi. Bu vaqtda Su Ersoz ham ssenariy mualliflari jamoasiga qo‘shilishi ma’lum bo‘ldi. U “Bir kuni Chukurovada” serialidagi faoliyati bilan tanilgan. Hozircha muxlislar bu xabarga turlicha munosabat bildirmoqda. Ba’zilar bu yangilik serial syujetiga yangiliklar kiritishiga ishonsa, boshqalar “Qo‘rg‘on sirlari” da bo‘lgani kabi katta ssenariy jamoasida turli nizolar yuzaga kelishi mumkinligini aytmoqda.
6. RTÜK Radio va televideniye kuzatuv kengashi “Yovvoyi”, “Daho” va “Uysizlar” seriallarining ko‘rsatuvini to‘xtatishga qaror qildi
Turkiya radio va televideniyesi kuzatuv kengashi turk seriallari ustida jiddiy monitoring ishlarini boshlab yubordi. Bunga mamlakat prezidentining milliy an’analarga zid va diniy qadriyatlarni salbiy ruhda ko‘rsatuvchi barcha loyihalarni cheklash haqidagi qarori sabab bo‘ldi. Shu sababli hozirda barcha yangi loyihalar ham qattiq nazorat ostiga olingan.
Avvalroq RTÜK tomoshabinlarning shikoyatlari tufayli “Qizil sharbat” va “Alvon g‘unchalar” seriallariga katta miqdorda moliyaviy jarimalar qo‘ygan edi. Ommaviy axborot vositalarining xabarlariga ko‘ra, tartibni buzgan loyiha mualliflari nafaqat katta jarima to‘lashlari, balki bir necha hafta davomida ularning seriallari efirga uzatilmasliklari mumkin.
7. “Qalbaki pulfurush” seriali sakkizinchi qismda yakunlanadi
Mamlakat telekanalning ushbu qarori tomoshabinlarda ko‘plab savollarni tug‘dirdi, chunki serialning reytingi juda yaxshi ketayotgan edi. Qiziqarlisi, umumiy reytingi pastroq bo‘lgan boshqa loyihalar esa efirga uzatilishda davom etmoqda. Rejissyorlar va mualliflar bu qarorga hozircha hech qanday izoh bermadi.
8. Firat Chelik “Qizil sharbat” serialini tark etadi
Insayderlarning ma’lumotlariga ko‘ra, Jamol qahramoni serialdan chetlashtiriladi. Tomoshabinlar azaldan Firat Chelikka boshqa jiddiyroq rol berilishi mumkinligi haqida aytgan edi. Shunga qaramay, uning qahramoni serialda o‘z o‘rniga ega personaj edi.
9. Nilperi Shahinkaya “Agar qirol mag‘lub bo‘lsa” serialida Halit Ergench bilan birga ishtirok etadi
Katta ekranlarga chiqishi uzoq vaqtdan beri ortga surilib kelayotgan va tomoshabinlar tomonidan katta qiziqish bilan kutilayotgan ““Agar qirol mag‘lub bo‘lsa” loyihasining aktyorlar tarkibi deyarli yakunlandi va suratga olish ishlari 2024-yil dekabr oyida boshlanishi rejalashtirilgan. Serial qahramonlaridan birini Kerem Bursinning dugonasi Nilperi Shahinkaya ijro etishi ma’lum bo‘ldi. Unga O‘zlem roli berildi.
10. Hafsanur Sanjaktutan Afra Saracho‘glu o‘rniga Elidor brendining ambassadori bo‘ldi
Aktrisa Hafsanur Sanjaktutan Turkiyaning Elidor go‘zallik brendining yuziga aylandi. U reklama uchun Braziliyada suratga tushdi va ijtimoiy tarmoqlarda syomka jarayonlarida olingan kadrlar bilan bo‘lishdi. Mazkur brend nima sababdan Afra Saracho‘g‘lu bilan shartnomani bekor qilgani noma’lum.
Izoh (0)