“Qizil g‘unchalar” seriali yulduzi onasining intervyusi tufayli yurak xuruji bilan kasalxonaga yotqizildi. O‘zjan Denizning oilasida nima bo‘lyapti va nega bu janjalni butun Turkiya kuzatmoqda?
Hammasi O‘zjan Denizning Samar Dadgarga bo‘lgan muhabbatidan boshlandi
Hayratlanarlisi shundaki, mojaroning boshlanishi “Klyukva sharbati” asari syujetining boshlanishini eslatadi. 2023-yil yanvarda turkiyalik aktyor jamoatchilik va oilasini o‘zidan 22 yosh kichik bo‘lgan eronlik yosh dizayner Samarga uylanishga qaror qilgani haqidagi xabar bilan lol qoldirdi. Tabiiyku, aktyorning oilasi qizning faqat manfaat uchun u bilan birgaligiga ishonchi komil edi, chunki uning kelajakdagi turmush o‘rtog‘i nafaqat mashhur yulduz, balki katta boylikka ega shaxs ham. Suhbatlarda O‘zjan munosabatlaridan baxtli ekanligini va o‘zini juda yaxshi his qilayotganini ko‘p bor ta’kidlagan bo‘lsa-da, onasi va singlisini bu so‘zlar mutlaqo ishontira olmadi.
Ikkala ayol ham Denizning sevgilisini ochiqchasiga yomonlay boshladi. Ijtimoiy tarmoqlarda ham, intervyularda ham, shaxsan o‘zlari ham Samar Dadgarning boylik va shon-shuhrat ovchisi ekani, O‘zjanning orqasidan kun ko‘rayotgani haqida gapirishdan charchashmadi. Ularning aytishicha, qiz aktyorni ataylab qarindoshlaridan uzoqlashtira boshlagan.
O‘zjan Denizning qarindoshlari Samarga bunday “hujum” qilishining aniq sabablari bor edi. Chunki aynan qizga uylangandan so‘ng, O‘zjan uzoq vaqt davomida uning menejeri bo‘lgan akasi Ekran Demirning xizmatlaridan voz kechgan, shuningdek, mish-mishlarga ko‘ra, onasi bilan aloqani butunlay uzgan. Intervyularda aktyor, agar oilasi turmush o‘rtog‘iga hurmat bilan munosabatda bo‘lsa, ular bilan muloqotni davom ettirishga tayyor ekanligini bir necha bor ta’kidlagan. Biroq bunday bo‘lmadi.
O‘zjan Denizning oilasi bilan ziddiyati qachon cho‘qqisiga yetdi?
Xullas, avj olgan dramaning aybdori aktyorning singlisi — Yurda Guler bo‘ldi. Aynan u Samarni ochko‘zlikda va ularning oilasini buzishga urinishda birinchi bo‘lib ommaviy tarzda aybladi. Tushunganingizdek, bunga javoban darhol reaksiya bo‘ldi, chunki Turkiyada boshqalarga qaratilgan shov-shuvli so‘zlar hech qachon e’tiborsiz qolmaydi. O‘zjan Deniz nafaqat rafiqasini himoya qildi, balki singlisini yanada “og‘irroq” gunohlarda ayblaydigan qandaydir videoni oshkor qilishni va’da ham berdi.
Shu payt janjalga O‘zjanning ukasi — Erkan Demir aralashdi. Yaqinda aktyor shaxsiy hisob raqamidan katta miqdordagi pul o‘g‘irlaganlikda ukasini ayblagandi. U O‘zjan onasini uydan haydab chiqarib, singlisini o‘z farzandi ko‘z o‘ngida kaltaklaganiga guvoh bo‘lganini ta’kidladi.
O‘zjan Denizni yurak xurujiga olib kelgan onasining intervyusi
17-fevral kuni O‘zjan Deniz oilasi bilan doimiy kurashga dosh bera olmadi va ma’lum bo‘lishicha, erkakni “Qizil g‘unchalar” filmini suratga olish maydonchasidan to‘g‘ri kasalxonaga olib ketishgan, chunki u tanaffus paytida onasining intervyusini ko‘rgan. Ayol, asosan, o‘g‘li nafaqalarni muntazam to‘lamay qo‘ygani uchun butun oilasini yashash uchun mablag‘siz qoldirganidan shikoyat qilgan. Lekin savol tug‘iladi: nima uchun O‘zjan aka-uka, opa-singil va onasini boqishga majbur, axir ular voyaga yetgan, mustaqil tirikchilik qila oladigan odamlar-ku?
Aytgancha, bir paytlar aktyor qarindoshlari bilan jiddiy muammolar tufayli “Qizil g‘unchalar” ijodiy guruhini tark etishni o‘ylagan. O‘zjan Deniz o‘zini juda baxtsiz his qilib, hatto ishini davom ettira olmaydi, bundan tashqari, oiladagi mojarolar tufayli serial imijini buzishdan qo‘rqardi. Oxir-oqibat aktyor loyihada qoldi, ammo uzoq vaqtdan beri uning hayotini buzib kelayotgan janjallar baribir jamoatchilikka oshkor bo‘ldi.
Bu vaziyatda kim haq, kim aybdor?
Haqiqat kim tomonda ekanligi haqida hukm chiqarish juda qiyin. Ikkala tomon ham ko‘rpani o‘ziga tortishga harakat qilmoqda. Samarni O‘zjanni manipulyatsiya qilishda va ataylab uni oiladan uzoqlashtirishda ayblashga urinishmoqda, ammo aktyorning o‘zi bunday deb hisoblamaydi. Unga qarindoshlari turmush o‘rtog‘iga nohaq tajovuz qilayotgandek va ularning bir-biri bilan munosabatlari yomonlashishiga o‘zlari aybdordek tuyuladi.
Samara Dadgarning ijtimoiy tarmoqlarda balandparvoz bayonotlar va haqoratlargacha bormaslikka harakat qilgani ham buni tasdiqlaydi.
Izoh (0)