Kinodagi mayda detallarni bir ko‘rishda ilg‘ab olish deyarli imkonsiz. Biroq sevimli film yoki multfilmimizni qayta tomosha qilganimizda, ko‘zimizga juda qiziqarli tafsilotlar tashlanadi. Masalan, ayrim kadrlarda mashhur rasmlarni ko‘rish mumkin va ularning ba’zilari tomoshabinga bejiz ko‘rsatilmagan.
Ivan Grozniy “Xogvarts”da
Ivan Grozniy portretini Garri Potter muzeyida ko‘rish mumkin. Bu muzeyda filmni suratga olish paytida ishlatilgan dekoratsiyalar saqlanadi.
Anna va Fragonarning “Arg‘imchoqlari”
“Muzyurak” multfilmidagi malika Anna epizodlarning birida Jan Onore Fragonarning “Arg‘imchoq” nomli kartinasidagi qahramonga o‘xshab ketadi. Hatto ko‘ylagining shamolda hilpirashi ham xuddi o‘sha kartinadagidek.
Garri Potter va... Anna Boleyn
“Garri Potter va hikmatlar toshi” filmi harakatlanuvchi zinapoyalari bo‘ylab osilgan rasmlarga sinchkovlik bilan qaralsa, noma’lum rassom mo‘yqalamiga mansub Anna Boleyn portretini ko‘rish mumkin.
“Tanishing, Jo Blek” va Mark Rotko abstraksiyasi
Bred Pitt Perrishlar uyida sayr qilayotganida mashhur abstraktsionist rassom Mark Rotkoning “Ko‘k, zarg‘aldoq, qizil” nomli kartinasi yonidan o‘tadi. Bu uy egalarining bankrotlik arafasida emasligiga ishora bo‘lishi mumkin, chunki Rotkoning asarlari millionlab dollar qiymatga ega.
“Amerika gotikasi” “Mulan” multfilmida
Disney’ning “Mulan” multfilmida bosh qahramonning g‘amxo‘r qarindoshlari orasida bu ikki personaj alohida ajralib turadi. Ular Grant Vudning “Amerika gotikasi” asaridagi qahramonlardan aynan ko‘chirilgan.
Mona Liza “Pinokkio”da
“Pinokkio” multfilmida bezori gugurtni nimada yoqayotganiga bir qarang. U Leonardo da Vinchining jahon durdonasini buzmoqchi. Aytgancha, undan oldin ham kimdir Mona Liza tasviri ustiga tushunarsiz odamcha chizib qo‘ygan.
“Buyuk Getsbi”dagi “Arslon va sher”
Getsbi saroyidagi rasmlar orasida rassom Jorj Stabbsning “Arslon va sher” asarini ko‘rish mumkin. Hayvonot olamining bu hukmdorlari, ehtimol, Getsbining o‘z mavqeyi va sevgilisiga bo‘lgan munosabatiga ishora qilayotgan bo‘lishi mumkin.
Izoh (0)