Кинодаги майда деталларни бир кўришда илғаб олиш деярли имконсиз. Бироқ севимли фильм ёки мультфильмимизни қайта томоша қилганимизда, кўзимизга жуда қизиқарли тафсилотлар ташланади. Масалан, айрим кадрларда машҳур расмларни кўриш мумкин ва уларнинг баъзилари томошабинга бежиз кўрсатилмаган.
Иван Грозний “Хогвартс”да
Иван Грозний портретини Гарри Поттер музейида кўриш мумкин. Бу музейда фильмни суратга олиш пайтида ишлатилган декорациялар сақланади.
Анна ва Фрагонарнинг “Арғимчоқлари”
“Музюрак” мультфильмидаги малика Анна эпизодларнинг бирида Жан Оноре Фрагонарнинг “Арғимчоқ” номли картинасидаги қаҳрамонга ўхшаб кетади. Ҳатто кўйлагининг шамолда ҳилпираши ҳам худди ўша картинадагидек.
Гарри Поттер ва... Анна Болейн
“Гарри Поттер ва ҳикматлар тоши” фильми ҳаракатланувчи зинапоялари бўйлаб осилган расмларга синчковлик билан қаралса, номаълум рассом мўйқаламига мансуб Анна Болейн портретини кўриш мумкин.
“Танишинг, Жо Блек” ва Марк Ротко абстракцияси
Бред Питт Перришлар уйида сайр қилаётганида машҳур абстракционист рассом Марк Ротконинг “Кўк, зарғалдоқ, қизил” номли картинаси ёнидан ўтади. Бу уй эгаларининг банкротлик арафасида эмаслигига ишора бўлиши мумкин, чунки Ротконинг асарлари миллионлаб доллар қийматга эга.
“Америка готикаси” “Мулан” мультфильмида
Диснейънинг “Мулан” мультфильмида бош қаҳрамоннинг ғамхўр қариндошлари орасида бу икки персонаж алоҳида ажралиб туради. Улар Грант Вуднинг “Америка готикаси” асаридаги қаҳрамонлардан айнан кўчирилган.
Мона Лиза “Пиноккио”да
“Пиноккио” мультфильмида безори гугуртни нимада ёқаётганига бир қаранг. У Леонардо да Винчининг жаҳон дурдонасини бузмоқчи. Айтганча, ундан олдин ҳам кимдир Мона Лиза тасвири устига тушунарсиз одамча чизиб қўйган.
“Буюк Гетсби”даги “Арслон ва шер”
Гетсби саройидаги расмлар орасида рассом Жорж Стаббснинг “Арслон ва шер” асарини кўриш мумкин. Ҳайвонот оламининг бу ҳукмдорлари, эҳтимол, Гетсбининг ўз мавқейи ва севгилисига бўлган муносабатига ишора қилаётган бўлиши мумкин.
Изоҳ (0)