Qahramonlarini butun dunyo bilsa-da, hech qachon mashhur bo‘lmagan aktyorlar

Bosh qahramonlari g‘ayrioddiy qahramonlar: robotlar, o‘zga sayyoraliklar, g‘ayrioddiy mavjudotlar bo‘lgan filmlar bor. Ko‘pincha ularni kostyum kiygan odamlar o‘ynashadi. Bu, ayniqsa, kompyuter grafikasi kinematografiyada juda kam miqdorda ishlatilgan 80-yillardagi filmlarga taalluqli.

Alf

Yoqimtoy va doim och yuradigan o‘zga sayyoralikni aktyor, prodyuser va qo‘g‘irchoqboz Pol Fasko o‘ylab topgan. U nafaqat shu nomdagi serialda, balki boshqa bir qator filmlarda ham Alfaga ovoz bergan. Masalan, “Sheldonning bolaligi”, “Janob robot”, “Muhabbat qayig‘i” va boshqa multfilmlarda ham Pol Faskoning ovozi yangraydi.

Alf uyda yugurib yurgan sahnalarni sirk aktyori Mixay Mesarosh o‘ynaydi. Bo‘yining 83 santimetrligi unga qo‘l keladi. 

Chubakka

“Yulduzlar jangi” sagasidagi Vuki qabilasidan bo‘lgan sayohatchi rolini aktyor Piter Meyhyu ijro etgan. Qizig‘i shundaki, uning kastingdagi ishtiroki kino tarixidagi eng tezkor sinovlardan biri bo‘lgan: u shunchaki o‘rnidan turgan va rolga tasdiqlagan. Mualliflar Chubakkani ulkan, juda baland bo‘yli mavjudot sifatida tasavvur qilishgan. Uning bo‘yi 221 santimetr bo‘lib, grimyorlarning ko‘plab muammolarini hal qiladi. Piter Meyhyu “Sindbod va yo‘lbars ko‘zi” filmida gazetadagi fotosurati sabab debyut qiladi. Loyiha mualliflari eng katta oyoqli odam haqidagi maqolani ko‘rib, uni Minotavr roliga taklif qilishadi. 

R2-D2 roboti

Yengil droid har doim ham mexanik model bo‘lmagan. Franshizaning ko‘plab filmlarida uni aktyor Kenni Beyker ijro etgan. Erkakning bo‘yi 112 santimetr bo‘lib, u osongina kichik robotga aylanishi mumkin edi. Ammo ishning o‘zi ancha murakkab edi: robotning kostyumi yomon boshqarilardi, Tunisdagi suratga olish ishlari esa chidab bo‘lmas jaziramada bo‘ladi. 

Begona

Film ijodkorlari Begona obrazi uchun aktyor izlab, unga mos keladigan Balaji Badejoni barlardan birida uchratishadi. Uning bo‘yi, turli ma’lumotlarga ko‘ra, 208 santimetrdan 218 santimetrgacha, tanasi nihoyatda ozg‘in va qo‘llari nomutanosib ravishda uzun edi. “Begona” filmidan so‘ng Balaji Nigeriyaga ketadi va u yerda o‘z san’at galereyasini ochadi. Erkak bir umr patologiya — o‘roqsimon hujayrali anemiya bilan yashagan, bu uning organizmini sezilarli darajada zaiflashtirgan. Badejo shamollab, asoratlar bilan kasalxonaga yotqizilgan va 40 yoshga to‘lmasdan kasalxonada vafot etgan.

Qo‘l

“Addamslar oilasi”dagi Qo‘l tomoshabinlarni jimgina kuldirar va qo‘rqitardi: o‘rgimchak kabi barmoqlari bilan harakatlanar, xo‘jayinlar bilan imo-ishora tilida muloqot qilar va ular bilan birga sayohatga chiqardi. Qo‘lning narigi tomonida aktyor va ko‘zboylog‘ich Kristofer Xart turardi. Uning karyerasi dahshatli, ammo g‘ayrioddiy boshlangan — u qabr qazuvchi bo‘lib ishlagan. Keyinchalik u mashhur illyuzionist Devid Kopperfild bilan birga ishlaydi. Xullas, bu yigitning qo‘llarini butun Amerika, kino orqali esa butun dunyo taniydi. Kristoferning qo‘li yana bir qancha loyihalar, jumladan, “Qotil qo‘l”, “Farishta” va boshqalarda rol o‘ynagan.

Grut

“Galaktika qo‘riqchilari” filmidagi daraxtsimon gumanoid roli baland bo‘yli Kristian Godlevskiga nasib etadi. Deyarli barcha aktyorlar Grut bilan aloqada bo‘lishlari kerak bo‘lganligi sababli uni odam o‘ynashiga qaror qilinadi. Aktyor keyinchalik daraxt tanasi tasvirlangan maxsus ko‘k kostyum kiygan va obrazni Grutning boshi bilan to‘ldirgan. Unutilmas “Men Grutman”ni esa aktyor Vin Dizel olti tilda ijro etadi. 

Plavalaguna

Mayven Le Besko (yoki oddiygina Mayven) qo‘shig‘i bilan hammani maftun qilgan “Beshinchi element”dagi Diva rolini o‘ynaydi. Plavalaguna obrazini Mayvenning o‘zi o‘ylab topgan, qo‘shiqni esa albaniyalik opera xonandasi Inva Mula ijro etgan. Klassik partiya sof sopranoda yangraydi, ikkinchi qismni esa ovoz rejissyorlari qayta ishlab, qo‘shimcha tovushlar qo‘shadi. Bundan tashqari, Mayven o‘zini ssenariy muallifi va rejissyor sifatida ham sinab ko‘rgan.

Favn

Yerto‘la va labirintning dahshatli egasi Favn rolini aktyor Dag Jons ijro etgan. Uning shunga o‘xshash rollari ko‘p: “Betmen qaytmoqda” (Ozg‘in masxaraboz), “Fokus-pokus” (zombi Billi Batcherson), “Sirli odamlar” (Qalam boshli) va boshqa ko‘plab yirtqich hayvonlar. Fantastik mutantlarni yaratish mavzusi har doim egiluvchan, uzun qo‘llar va xuddi shunday bo‘yinli Dagga yaqin edi. Uning ijrosidagi maxluqlar haqiqatan ham realistik va dahshatli bo‘lib chiqadi.