Қаҳрамонларини бутун дунё билса-да, ҳеч қачон машҳур бўлмаган актёрлар

Бош қаҳрамонлари ғайриоддий қаҳрамонлар: роботлар, ўзга сайёраликлар, ғайриоддий мавжудотлар бўлган фильмлар бор. Кўпинча уларни костюм кийган одамлар ўйнашади. Бу, айниқса, компьютер графикаси кинематографияда жуда кам миқдорда ишлатилган 80 йиллардаги фильмларга тааллуқли.

Алф

Ёқимтой ва доим оч юрадиган ўзга сайёраликни актёр, продюсер ва қўғирчоқбоз Пол Фаско ўйлаб топган. У нафақат шу номдаги сериалда, балки бошқа бир қатор фильмларда ҳам Алфага овоз берган. Масалан, “Шелдоннинг болалиги”, “Жаноб робот”, “Муҳаббат қайиғи” ва бошқа мультфильмларда ҳам Пол Фасконинг овози янграйди.

Алф уйда югуриб юрган саҳналарни цирк актёри Михай Месарош ўйнайди. Бўйининг 83 сантиметрлиги унга қўл келади. 

Чубакка

“Юлдузлар жанги” сагасидаги Вуки қабиласидан бўлган саёҳатчи ролини актёр Питер Мейҳю ижро этган. Қизиғи шундаки, унинг кастингдаги иштироки кино тарихидаги энг тезкор синовлардан бири бўлган: у шунчаки ўрнидан турган ва ролга тасдиқлаган. Муаллифлар Чубаккани улкан, жуда баланд бўйли мавжудот сифатида тасаввур қилишган. Унинг бўйи 221 сантиметр бўлиб, гримёрларнинг кўплаб муаммоларини ҳал қилади. Питер Мейҳю “Синдбод ва йўлбарс кўзи” фильмида газетадаги фотосурати сабаб дебют қилади. Лойиҳа муаллифлари энг катта оёқли одам ҳақидаги мақолани кўриб, уни Минотавр ролига таклиф қилишади. 

R2-D2 роботи

Енгил дроид ҳар доим ҳам механик модел бўлмаган. Франшизанинг кўплаб фильмларида уни актёр Кенни Бейкер ижро этган. Эркакнинг бўйи 112 сантиметр бўлиб, у осонгина кичик роботга айланиши мумкин эди. Аммо ишнинг ўзи анча мураккаб эди: роботнинг костюми ёмон бошқариларди, Тунисдаги суратга олиш ишлари эса чидаб бўлмас жазирамада бўлади. 

Бегона

Фильм ижодкорлари Бегона образи учун актёр излаб, унга мос келадиган Балажи Бадежони барлардан бирида учратишади. Унинг бўйи, турли маълумотларга кўра, 208 сантиметрдан 218 сантиметргача, танаси ниҳоятда озғин ва қўллари номутаносиб равишда узун эди. “Бегона” фильмидан сўнг Балажи Нигерияга кетади ва у ерда ўз санъат галереясини очади. Эркак бир умр патология — ўроқсимон ҳужайрали анемия билан яшаган, бу унинг организмини сезиларли даражада заифлаштирган. Бадежо шамоллаб, асоратлар билан касалхонага ётқизилган ва 40 ёшга тўлмасдан касалхонада вафот этган.

Қўл

“Аддамслар оиласи”даги Қўл томошабинларни жимгина кулдирар ва қўрқитарди: ўргимчак каби бармоқлари билан ҳаракатланар, хўжайинлар билан имо-ишора тилида мулоқот қилар ва улар билан бирга саёҳатга чиқарди. Қўлнинг нариги томонида актёр ва кўзбойлоғич Кристофер Харт турарди. Унинг карьераси даҳшатли, аммо ғайриоддий бошланган — у қабр қазувчи бўлиб ишлаган. Кейинчалик у машҳур иллюзионист Девид Копперфилд билан бирга ишлайди. Хуллас, бу йигитнинг қўлларини бутун Америка, кино орқали эса бутун дунё танийди. Кристофернинг қўли яна бир қанча лойиҳалар, жумладан, “Қотил қўл”, “Фаришта” ва бошқаларда рол ўйнаган.

Грут

“Галактика қўриқчилари” фильмидаги дарахцимон гуманоид роли баланд бўйли Кристиан Годлевскига насиб этади. Деярли барча актёрлар Грут билан алоқада бўлишлари керак бўлганлиги сабабли уни одам ўйнашига қарор қилинади. Актёр кейинчалик дарахт танаси тасвирланган махсус кўк костюм кийган ва образни Грутнинг боши билан тўлдирган. Унутилмас “Мен Грутман”ни эса актёр Вин Дизель олти тилда ижро этади. 

Плавалагуна

Майвен Ле Беско (ёки оддийгина Майвен) қўшиғи билан ҳаммани мафтун қилган “Бешинчи элемент”даги Дива ролини ўйнайди. Плавалагуна образини Майвеннинг ўзи ўйлаб топган, қўшиқни эса албаниялик опера хонандаси Инва Мула ижро этган. Классик партия соф сопранода янграйди, иккинчи қисмни эса овоз режиссёрлари қайта ишлаб, қўшимча товушлар қўшади. Бундан ташқари, Майвен ўзини сценарий муаллифи ва режиссёр сифатида ҳам синаб кўрган.

Фавн

Ертўла ва лабиринтнинг даҳшатли эгаси Фавн ролини актёр Даг Жонс ижро этган. Унинг шунга ўхшаш роллари кўп: “Бетмен қайтмоқда” (Озғин масхарабоз), “Фокус-покус” (зомби Билли Батчерсон), “Сирли одамлар” (Қалам бошли) ва бошқа кўплаб йиртқич ҳайвонлар. Фантастик мутантларни яратиш мавзуси ҳар доим эгилувчан, узун қўллар ва худди шундай бўйинли Дагга яқин эди. Унинг ижросидаги махлуқлар ҳақиқатан ҳам реалистик ва даҳшатли бўлиб чиқади.