Boks afsonasi Mayk Tayson so‘nggi vaqtlarda diqqat e’tiborda. 2023-yilning noyabrida Toshkentga tashrif buyurgan Tayson oradan bir yil o‘tib, 2024-yilda bloger Jeyk Polga qarshi ringga ko‘tarildi. 58 yoshli Tayson raqibiga qarshi munosib jang o‘tkazdi, biroq ochkolar hisobiga mag‘lubiyatga uchradi. Quyida esa afsonaga tegishli bo‘lgan mashinalar kolleksiyasi haqida ma’lumot beriladi.
Jeyk Polga qarshi jang oldidan Tayson bahosi 136 ming funt sterling bo‘lgan Mercedes-Benz G-klass avtomobilini xarid qilgan.
Biroq bu mashina uning kolleksiyasidagilar ichida unchalik katta qiymatga ega emas. Masalan, narxi 300 ming funt bo‘lgan Rolls-Royce Cullican oldida.
Bir kuni Taysonga bahosi 165 ming bo‘lgan Rolls-Royce limuzinini ham sovg‘a qilishgan.
Taniqli promouter Don King ham Maykka mashina sovg‘a qilgan. Ular ichida Rolls-Royce limuzini va Rolls-Royce Corniche avtomobili bor. Shu tariqa u bokschi bilan manfaatli hamkorligini ta’kidlamoqchi bo‘lgan.
Va Rolls-Royce Corniche:
80—90-yillarda Mayk shou-biznes olamida do‘stlar orttira boshladi, Gollivud ziyofatlariga tashrif buyurar va shuhratdan zavqlana boshladi.
Bokschining do‘stlaridan biri bo‘lgan reper Tupak Shakur uni avtomobillar xaridiga undardi. Reper tufayli Tayson 1989-yilda chiqarilgan oq Mercedes-Benz SL-Class 560SL sotib olgan.
Qamoqdagi og‘ir damlaridan so‘ng yana normal hayotgan qaytishga uringan bokschi yana ringga qaytadi.
1996-yilda Tayson o‘zining ilk Lamborghini’sini — Las-Vegasda Bryus Seldon ustidan qozonilgan g‘alaba uchun olgan mukofot pullariga sariq Super Diablo Twin Turbo xarid qilgan.
90-yillar oxirida Mayk Bentley’ning qimmat avtomobillariga oshiq bo‘la boshlagan.
Ferrari F50 va 456 GT Spyder:
Hatto bu ham butun kolleksiyasi emas.
1997-yilda Bentley Continental mashhurlikka erishgandi. Bu esa Taysonning kolleksiyasida unga ham joy borligini anglatardi.
2003-yilgacha, sportchining bankrotligi ma’lum bo‘lgunga qadar u qimmatbaho avtomobillarni xarid qilishda davom etgan, ularning ba’zilari shaxsiy garajida saqlanib qolgan.
1980-yillarning o‘rtalarida 19 ta g‘alabadan so‘ng Mayk Cadillac Eldorado va Cadillac Seville avtomobillarini sotib olgan.
Tini Takerga qarshi jangdagi muvaffaqiyatdan so‘ng Temir Mayk Rolls-Royce Corniche avtomobilini xarid qilgan.
Ko‘rib turganingizdek, Temir Maykning avtomobillar kolleksiyasi juda boy. Albatta, ularning bir nechtasidan voz kechishiga to‘g‘ri kelgan. Tayson 15 million dollar qarzini to‘lash uchun bir nechta avtomobilini kimoshdi savdosiga qo‘yishga majbur bo‘lgan.
Tayson — 58 yoshda. Faoliyati davomida u 58 ta jang o‘tkazib, 50 ta g‘alaba (44 tasini nokaut bilan) qo‘lga kiritgan, 6 tasida mag‘lubiyat alamini totib ko‘rgan, ikkita jang haqiqiy emas deb topilgan. Tayson professional ringdagi so‘nggi jangini 2005-yil 11 iyunda o‘tkazgan va irlandiyalik bokschi Kevin Makbraydga yutqazib qo‘ygan.
Izoh (0)