АҚШ президенти Дональд Трамп Эроннинг ядровий келишув имкониятидан фойдаланмаганини маълум қилди. У бу ҳақда ўзининг Truth Social ижтимоий тармоғидаги саҳифасида ёзди.
Оқ уй раҳбари Эроннинг қатъий ташқи сиёсат тарафдорлари бу масалада узоқни кўра билмаганликларини таъкидлади. Битимдан воз кечиш оқибатлари Эрон учун кутганидан ҳам оғирроқ бўлишини айтди.
“Мен Эронга битим тузиш учун имконият бердим. Уларга энг кучли сўзлар билан ъшунчаки буни бажаринғ дедим, аммо улар қанчалик ҳаракат қилишмасин, қанчалик яқин келишмасин, буни уддалай олишмади. Мен уларга бу улар билган, кутган ёки эшитганидан ҳам ёмонроқ бўлишини, Америка Қўшма Штатлари дунёдаги энг зўр ҳарбий техникани ишлаб чиқараётганини, Исроилда бундай қуроллар кўплигини ва янада кўпайишини ҳамда улардан фойдаланишни билишларини айтдим. Баъзи эронлик қаттиқ позицияли кишилар жасорат билан гапирди, лекин улар нима юз беришини билмас эди. Уларнинг ҳаммаси аллақачон ўлиб бўлган, ва аҳвол янада ёмонлашади!”, деб таъкидлади Трамп.
АҚШ президенти Эрон можаро янги босқичга ўтмасидан олдин келишув тузиши лозимлигини уқтирди.
“Кўплаб ўлимлар ва вайронагарчиликлар содир бўлган бўлса-да, бу қирғинни тўхтатиш учун ҳали имконият бор. Аммо режалаштирилган кейинги ҳужумлар янада шафқатсизроқ бўлиши мумкин. Эрон ҳеч нарса қолмагунча келишув тузиши ва бир пайтлар Эрон империяси деб аталган нарсани сақлаб қолиши лозим. Бошқа ўлимлар ва вайронагарчиликлар бўлмасин, Жуда кеч бўлмасидан буни амалга оширинг. Парвардигор барчангизни ўз паноҳида асрасин! Бошқа ўлим ва вайронагарчиликлар бўлмаслиги учун кеч бўлмасидан олдин шундай қилинг”, дея якунлади у.
АҚШ президенти Дональд Трамп 13 июнга ўтар кечаси Исроил ҳарбий самолётлари Эронга ҳужум қилишидан бир неча соат олдин ҳудди шу вазиятдан қочишга умид қилганини айтилганди.
13 июнга ўтар кечаси Исроил режими Эронга йирик ҳаво ҳужуми уюштирди. Унда кўплаб тинч аҳоли, аскарлар, ҳарбий раҳбарлар ва олимлар ҳалок бўлган. Исроил ҳарбийлари Эронга қарши “олдиндан огоҳлантирувчи” ҳарбий зарбалар бошланганини тасдиқлаб, зарбалар Теҳроннинг ядровий объектларига, ўнлаб нишонларга берилганини айтган.
Изоҳ (0)