Эрон АҚШ билан иқтисодий санкцияларни бекор қилиш эвазига ядровий келишув имзолашга тайёрлигини маълум қилди. Бу ҳақда Эрон олий раҳнамоси маслаҳатчиси Али Шамхоний NBC News телеканалига берган интервьюсида маълум қилди.
У Эрон қуйидаги мажбуриятларни ўз зиммасига олишини маълум қилди:
- ҳеч қачон ядро қуролини ишлаб чиқармаслик;
- қурол сифатида ишлатилиши мумкин бўлган юқори даражада бойитилган уран захираларидан халос бўлиш;
- уранни фақат фуқаролик мақсадларида фойдаланиш учун паст даражада бойитишга ва халқаро инспекторларга жараённи кузатишга рухсат бериш.
Бу қадамлар барча иқтисодий санкцияларни зудлик билан бекор қилиш эвазига амалга оширилиши айтилган.
“Агар америкаликлар ўз сўзларига амал қилса, муносабатларимизни яхшилашимиз мумкин. Шартлар бажарилса ҳозироқ келишув имзолашга тайёрмиз”, дея қўшимча қилган Али Шамхоний.
АҚШ президенти Дональд Трамп агар Эрон ядровий дастурини чекламаса, иқтисодий санкция жорий этиш билан таҳдид қилганди. Шамхоний мазкур таҳдидлардан ҳафсаласи пир бўлганини билдирган.
Изоҳ (0)