Бирлашган Араб Амирликлари (БАА) 10 йил давомида АҚШга 1,4 триллион долларлик инвестиция киритиш мажбуриятини зиммасига олди.
Бу ҳақда Оқ уй вакили маълум қилди.
Унинг сўзларига кўра, БАА расмийлари шу ҳафтада мамлакат делегацияси ва АҚШ президенти Дональд Трамп ўртасидаги учрашувдан сўнг шундай қарорга келган.
Оқ уй матбуот котибининг қўшимча қилишича, янги келишувлар БААнинг сунъий интеллект, яримўтказгичлар, энергетика бўйича АҚШ иқтисодиётига киритадиган инвестициялар миқдорини сезиларли даражада оширади.
Аввалроқ Бирлашган Араб Амирликлари президентининг дипломатик маслаҳатчиси Анвар Гаргаш Эрон ташқи ишлар вазири Аббос Арақчи билан учрашувда АҚШ президенти Дональд Трампнинг Эронга мактубини топширгани хабар берилганди.
АҚШ президенти Дональд Трамп 7 март куни Эрон билан ядровий келишув бўйича музокаралар олиб боришни исташини айтганди. Трамп Эрон раҳбариятига мактуб йўллаб, улар музокараларга рози бўлишларига умид билдирди.
“Мен музокаралар олиб борасиз, деган умиддаман, чунки бу Эрон учун анча яхши бўлади”, деди Трамп Fox Business Network телеканалига берган интервьюсида.
Изоҳ (0)