AQSH prezidenti Donald Tramp 13-iyunga o‘tar kechasi Isroil harbiy samolyotlari Eronga hujum qilishidan bir necha soat oldin huddi shu vaziyatdan qochishga umid qilganini aytgan. Bu haqda CNN xabar berdi.
“Men bunday bo‘lishini xohlamayman, chunki bu vaziyatni o‘zgartirib yuboradi”, dedi Tramp Tehronning yadroviy ambitsiyalarini cheklash uchun diplomatik sa’y-harakatlarini nazarda tutib.
Isroil AQSHning hech qanday ishtirokisiz Eronga qarshi harakat boshlagani aytilmoqda. Ammo Eron bu ishda AQSHning ham “qo‘li borligiga ishonishini” ma’lum qilgandi.
Tramp endi o‘z partiyasidagi raqobatchi oqimlar o‘rtasida qolib ketishi aytilgan. 12-iyun kuni ko‘plab respublikachilar Isroilni qo‘llab-quvvatlagan. Jumladan, Lindsi Grem X’da “O‘yin boshlandi” deb yozib qoldirgan.
Tramp hech qachon, xususan, ikkinchi muddatida, o‘z partiyasining tashqi siyosatidagi bu keskinlikni to‘liq qabul qilmagan. Uning ma’muriyati vitse-prezident va amaldorlar bilan to‘lib-toshgan. Ularning aksariyati Amerika manfaatlarini ifodalamasdan, AQSHning xorijdagi harbiy ishtirokiga chuqur shubha bilan qaraydi.
Tramp Isroilni Eronning kutilayotgan javobidan himoya qilish uchun Amerika harbiy aktivlaridan foydalanishga tayyorligi haqida hech qanday signal bermagan. 2024-yili Isroil va Eron o‘rtasida ziddiyat bo‘lganida sobiq prezident Jo Bayden harbiylarni ishga solgan edi. O‘shanda Amerikaning yordamisiz Isroil havo mudofaasi Eronning yirik hujumiga dosh bera olmasligi mumkinligi aytilgandi.
AQSH yaqinda Yaqin Sharqdagi amerikalik xodimlarni himoya qilish maqsadida ularning ba’zilarini evakuatsiya qilish haqida qaror qilgan edi. Eronni esa AQSHni jangga tortmaslik haqida ogohlantirib kelayotgan edi. Isroilning ohirgi hujumi AQSH prezidenti va uning ma’muriyati uchun kutilmagan hodisa emasligi ta’kidlangan.
Manbalarning aytishicha, 12-iyun kuni Tramp Netanyaxuning yaqin orada zarba berishini bilgan va uni to‘xtatishga bir necha bor uringan. AQSH davlat kotibi Marko Rubio qisqa bayonot bilan AQSHning bu harakatga aloqasi yo‘qligini ma’lum qilgan.
“Bugun tunda Isroil Eronga qarshi bir tomonlama zarba berdi. Biz Eronga qarshi zarbalarda ishtirok etmadik. Bizning ustuvor vazifamiz mintaqadagi Amerika kuchlarini himoya qilishdir. Isroil bizga bu harakatni o‘zini himoya qilish uchun zarur deb hisoblashini aytdi. Prezident Tramp va ma’muriyat kuchlarimizni himoya qilish va mintaqaviy hamkorlarimiz bilan yaqin aloqada bo‘lish uchun barcha zarur choralarni ko‘rdi. Aniq qilib aytaman: Eron AQSH manfaatlari yoki xodimlarini nishonga olmasligi kerak”, dedi Rubio.
Izoh (0)