Лос Анжелеснинг марказида 10 июнь кунидан маҳаллий фавқулодда комендантлик соати кучга кирди. Бу ҳақда CNN хабар берди.
У маҳаллий вақт билан соат 20:00 дан эрталабки 6:00 гача бир неча кун давомида амал қилиши таъкидланди. Охирги 4 кун ичида камида 378 киши, шу жумладан, 10 июнь куни 200 га яқин киши ҳибсга олингани таъкидланган. Шу муддат ичида 23 та бизнес талон-торож қилинган.
Федерал судья Калифорния штатининг Трамп маъмуриятига денгиз пиёдалари ва Миллий гвардиядан штатдаги қонунларни вақтинча тақиқлаш илтимосини рад этган. АҚШнинг катта округ судьяси Чарльз Р. Бреер пайшанба кунига суд мажлисини белгилаган.
“Намойишни чеклаш учун 700 га яқин денгиз пиёдалари жалб қилинган. Улар Лос Анжелесдан ташқарида туриб буйруқ кутмоқда. Уларнинг аксарияти норозилик намойишларини бостиришдан олдин қўшимча тайёргарликдан ўтмоқда”, деди АҚШ расмийларидан бири.
“Лос Анжелес мери Карен Басс Лос Анжелес марказидаги комендантлик соати таъсир қилган ҳудуд чегаралари графигини тақдим этган. У маҳаллий вақт билан соат 20:00 дан 6:00 гача амалда бўлади. Фақат чекланган гуруҳлар, жумладан, ҳуқуқ-тартибот идоралари, фавқулодда вазиятлар ва тиббиёт ходимлари, ишга борадиган ва қайтадиган одамлар ҳамда ваколатли оммавий ахборот воситалари комендантлик соатига риоя қилиши шарт эмас”, дейилади ҳокимлик хабарида.
Изоҳ (0)