Мунтазам кечадиган бош оғриғи одамни чарчатиб юборади. У билан дори-дармонларсиз қандай курашиш мумкинлигини ўргатамиз, деб ёзади “Новий очаг” нашри.
Бош оғриғи кўпчилигимиз деярли ҳар куни дуч келадиган муаммодир. Баъзиларда оғриқ тезда ўтиб кетади, бошқалар эса бундан кўп азият чекади: улар дўстлар билан учрашувларни бекор қиладилар, иш лойиҳаларини кечиктирадилар ва ўзларини ёмон ҳис қиладилар. Албатта, дорихоналар дори воситаларининг катта танловини таклиф қиладилар, аммо уларнинг ҳаммаси ҳам доимо фойдаланиш учун зарарсиз эмас. Сиз оғриқ билан курашишнинг муқобил усулларини синаб кўришингиз мумкин.
Ухлаб ётганда тишларингизни ғижирлатмаслигингизга ишонч ҳосил қилинг
Жағ мушакларининг куч билан ҳаракатланиши катталардаги бош оғриғининг энг кам баҳоланган сабабларидан биридир. Тишларнинг тунда ғичирлаши ёки бруксизм 70 фоиз одамларга таъсир қилади. Жағларга жавобгар бўлган майда мушаклар чаккалар томон тортилади ва уларнинг спазми бош оғриғига олиб келиши мумкин. Айниқса, уйғонгандан кейинги дастлабки бир неча соат ичидаги бош оғриқлар.
Бруксизм билан курашишда стрессни камайтириш, дам олиш амалиётлари ва психотерапия ҳам ёрдам беради. Бундан ташқари, тишларга кийиладиган махсус тиш мосламаларидан ҳам фойдаланишингиз мумкин.
Сув ичинг
Бош чакка қисмларида оғриқ сувсизланиш белгиси бўлиши мумкин. Тадқиқотлар шуни кўрсатадики, кўп миқдорда тоза сув ичиш бош оғриғи ва мигрендан қутилишга ёрдам беради.
Бунда смартфон ёки махсус мобил иловалардаги эслатмалар билан ўз вақтида сув ичишни кундалик одатга айлантиришингиз керак. Иссиқ об-ҳавода ёки қаҳва ичганингиздан кейин, албатта, суюқлик миқдорини оширишни унутманг (кофеин танани сувсизлантиради).
Массаж қўллаб кўринг
Агар бош оғриғи ҳаддан ташқари босим туфайли юзага келса, массаж сизнинг ҳолатингизни енгиллаштиришга ёрдам беради. Массаж пайтида қон таранглашган жойларга — бўйинга, бошнинг орқа қисмига ва елкаларига тушади. Натижада ўзингизни яхши ҳис қила бошлайсиз.
Чўзилиш учун танаффус қилинг
Ҳаддан ташқари босим билан ишлаганда нафақат массаж, балки йога, чўзилиш, пилатес ҳам ёрдам беради. Туш пайтидаги чўзилиш машқлари билан ўтган танаффус бош оғриғининг частотасини сезиларли даражада камайтириши мумкин.
Ишлаётганингизда танани тўғри тутиш ҳам муҳим: қулай ҳолда ўтиринг, танаффус қилинг ва телефонда гаплашаётганда уни елкангиз билан ушлаб турмаслик учун қулоқчиндан фойдаланинг.
Стресс даражасини камайтиринг
“Барча касалликлар асабийлашишдан”, бош оғриғи эса биринчи навбатда. Кундалик тушишни бошлашга ҳаракат қилинг, драмадан комедияга ўтинг ва нафас олиш машқларини ўрганинг. Йога ҳам жуда самарали, машқларни медитация ва дам олиш билан бирлаштиради.
Ботокс инекциялари ҳақида ўйлаб кўринг
Неврологлар кучли сурункали мигрен билан оғриганларга ботоксни тавсия қиладилар. Биз, албатта, пешонадаги косметик инекция ҳақида эмас, балки йилига бир неча марта бутун бош ва елканинг юқори мушакларига қилинадиган инекция ҳақида эслатдик.
Фаол бўлинг
Бош оғриса, одам ғам-ғуссага ўралиб кетаверади, аммо мутахассислар машқлар самаралироқ бўлиши мумкинлигига ишонади. Ҳафтада 3-4 марта 20-30 дақиқа давомида мунтазам бажарилган жисмоний машқлар қон оқимининг яхшиланиши ва юрак-қон томир тизимини мустаҳкамлаш туфайли бош оғриғи частотасини камайтиришга ёрдам беради. Секин югуриш, велосипед ҳайдаш ёки сузишга ҳаракат қилинг.
Чуқур ва сифатли ухлашга ҳаракат қилинг
Уйқу етишмаслиги бош оғриғи учун маълум сабабдир. Шу боис ҳар кеча 7-8 соат ухлаш жуда муҳимдир. Лекин ҳаддан ошиб кетманг: бутун ҳафта мобайнида узлуксиз ухлаш истаги тескари натижа бериши ва муаммони янада кучайтириши мумкин.
Кўзларга дам беринг
Кўпинча пайдо бўладиган бош оғриғи кўриш билан боғлиқ. Кўпчилигимиз буни компьютер олдида узоқ вақт ўтиргандан кейин, кўп вақт телевизор кўргач, китоб ўқиганимиздан ёки ҳатто, машинани узоқ масофаларга ҳайдаганимиздан кейин буни ҳис қиламиз. Бундай бош оғриғи кун якунида, тиғиз иш ҳафтасидан сўнг ва кам ҳолларда дам олиш кунларининг биринчи тонггида пайдо бўлади. Кўз чарчагандан сўнг пайдо бўладиган бош оғриғини енгиллаштириш учун компьютерингиздан тез-тез танаффус қилиб кўринг.
Агар сиз мутолаа қилаётган бўлсангиз, вақти-вақти билан тўхтаб, кўзларингизга дам бериш учун хонадаги узоқ объектга назар ташланг. Агар бу ёрдам бермаса, кўзларингизни окулистга кўрсатиш вақти келганлигини англатади. Кўриш қобилияти пасайган бўлса, сизга кўзойнак(ёки янги линзалар) тақиш буюрилади.
Игна санчиш амалиётини синаб кўринг
Тадқиқотлар шуни кўрсатдики, игна санчиш бош оғриғидан тез-тез азият чекадиган одамларга ёрдам беради. Жараён давомида мутахассис тананинг маълум жойларига (одатда бел ёки бўйин) игналарни киритади. Игна санчиш мигрен билан яшовчи одамларда оғриқнинг частотасини камайтириши ҳақида исботлар мавжуд ва таъсири эса дори-дармонларни қабул қилиш билан тенг баҳоланади. Ушбу терапия танадаги қон оқимини йўналтиради ва периферик асаб тизимини рағбатлантириш орқали танани оғриқни камайтиришга ўргатади.
Илм-фан ҳаётимизни фаровон ва соғлом қилиш учун доимо изланишда. Доимий равишда шифокорингизга ташриф буюриб, у такрорий бош оғриғи билан курашишнинг янги усулларини тавсия қила оладими ёки йўқми, билиб олинг. Баъзи экспертлар мигренни даволашда паст дозали антидепрессантларнинг самарадорлиги ҳақида гапиришади — ким билади, эҳтимол, улар тез орада бош оғриғи учун стандарт даволаш протоколига киритилади. Шу билан бирга, сув ва жисмоний машқлар ҳақида ҳам унутманг.
Мавзуга доир:
Изоҳ (0)