“Барселона” клуби ёзги трансфер ойнасида таркибни кучайтиришга бел боғлаган. Шунингдек, жамоа барча позициялардаги муаммоларни ҳал қилиши кутилмоқда. Бу ҳақда Fichajes нашри хабар берди.
Унга кўра, клуб раҳбарияти биринчи навбатда ҳужум чизиғини кучайтиришни мақсад қилган. Асосий номзод — “Ливерпуль” футболчиси Луис Диас. Агар бу трансфер амалга ошмаса, унга муқобил вариант сифатида “Манчестер Юнайтед” футболчиси Маркус Рэшфордни сотиб олишга уриниб кўради.
Ҳимоя чизиғида бир нечта футболчиларнинг келажаги номаълумлигича қолмоқда. Мураббий Роналд Араухонинг жисмоний ҳолатидан мамнун, бироқ ҳимоячи доимий тарзда асосий таркибда ўйнашни хоҳламоқда ва бу муаммо келтириб чиқариши мумкин. Андреас Кристенсен жамоадан кетиши айтилмоқда, Эрик Гарсия эса турли позицияларда фойдали ўйин кўрсатаётгани билан мураббийда яхши таассурот қолдирган.
Ярим ҳимояда эса ўзгаришлар Фрэнки де Йонгнинг қолиш-қолмаслигига боғлиқ. Дарвозабон масаласи ҳам очиқ турибди: агар Войтцех Шенсни фаолиятини якунлашга қарор қилса, “Барселона” Марк-Андре тер Штегенга муносиб захира дарвозабон қидиради. Бу борада “Эспанол” посбони Хуан Гарсия номи тилга олинмоқда.
Изоҳ (0)