Ёзги трансфер ойнаси вақтида Каталониянинг “Барселона” клубида катта “тозалаш” ишлари амалга оширилади. Бу ҳақда Испаниянинг Relevo нашри хабар берди.
Манбага кўра, “кўк-анорранглилар” мавсум якунлангач, бир қанча футболчилар билан хайрлашишни режалаштирмоқда. Клуб раҳбарияти бу орқали молиявий мувозанатни сақлаб қолиш ва таркибдаги керакcиз футболчиларни сотиб юбориб, уларнинг ўрнига бошқа трансферларни амалга оширишни мақсад қилган.
Ҳозирча “Барселона”нинг “қора рўйхатида” қуйидаги футболчилар кўриш мумкин: Роналд Араухо, Фермин Лопес, Ансу Фати, Эрик Гарсия, Андреас Кристенсен ва Пабло Торре.
Шунингдек, бу рўйхат яқин кунларда кенгайиши мумкин. Хусусан, “Барселона” вингери Ферран Торресга “Астон Вилла” клуби жиддий қизиқиш билдирмоқда. Манбага кўра, Бирмингем жамоаси футболчи учун 40 миллион фунтдан кўпроқ таклиф қилишга тайёр.
Маълумот учун, “Барселона” жорий мавсум анча самарали ўйин кўрсатмоқда. Клуб Испания Суперкубоги, Кубоги ва Ла Лига чемпионлигини қўлга киритди. Чемпионлар Лигасида эса “Интер”га икки ўйин натижасига кўра, 6:7 ҳисобида мағлуб бўлиб, мусобақа билан хайрлашди.
Изоҳ (0)