Ла Лиганинг 30-турида “Реал Мадрид” ўз майдонида “Валенсия”га 1:2 ҳисобида мағлуб бўлди. Учрашувнинг 13-дақиқасида “қироллик клуби” ҳужумчиси Винисиус Жуниор пенальтини аниқ амалга ошира олмади — унинг зарбасини “Валенсия” дарвозабони Георгий Мамардашвили қайтарди.
Бу мавсум ҳакамлар “Реал” фойдасига 16 марта пенальти белгилади. Аммо мадридликлар улардан 11 мартасидан аниқ фойдаланган бўлиб, 5 бора ноаниқ зарба йўллаган. Бу натижа клуб учун 2013/14 йилги мавсумдан буён энг ёмон кўрсаткич бўлиб турибди. Ўша мавсумда мадридликлар Ла Лигани учинчи ўринда якунлаган, бироқ Испания Кубоги ва Чемпионлар Лигасини қўлга киритган эди.
Айни пайтда “Реал Мадрид” Ла Лига турнир жадвалида 63 очко билан иккинчи ўринда бормоқда. Биринчи ўриндаги “Барселона” ҳисобида 67 очко мавжуд.
Изоҳ (0)