Футбол бўйича Испания Кубоги нимчорак финалида “Реал” ва “Атлетико” ўзаро тўқнаш келди.
“Атлетико” қўшимча бўлимларда урилган голлар эвазига (4:2) ғалабани илиб кетди.
Шу тариқа “Реал”нинг 21 ўйинлик мағлубиятсиз серияси ўз ниҳоясига етди. Шу вақтга қадар “қаймоқранглилар” 18 та ғалаба ва 3 та дуранг қайд этган.
Қайд этиб ўтиш жоиз, “Реал” ўтган йили кузда Мадрид дербисида айнан “Атлетико”га мағлуб бўлганди.
4 февраль куни жамоалар Ла Лига доирасида яна бир бор тўқнаш келади. Учрашув “Сантиаго Бернабеу”да бўлиб ўтади.
Карло Анчелотти жамоаси жорий йилда ҳам треблга эришиш имкониятини қўлдан чиқарди. Эслатиб ўтамиз, бир мавсумда мамлакат чемпионати, Кубоги ва Чемпионлар Лигасида ғолиб бўлган жамоа требл соҳиби деган номга сазовор бўлади.
“Мадрид” ўз тарихида ҳеч қачон требл қайд этмаган. “Бавария” (икки марта), “Барселона” (икки марта), “Интер”, “Манчестер Юнайтед”, “Манчестер Сити”, “Селтик”, “Аякс” ва “ПСВ” треблга эришган.
Изоҳ (0)