“Астин Вилла” ва Аргентина терма жамоаси дарвозабони Эмилиано Мартинесга Европанинг икки гранд клуби — “Манчестер Юнайтед” ҳамда “Барселона” қизиқиш билдирмоқда. Бу ҳақда DSports нашри хабар берди.
Маълумотларга кўра, “қизил иблислар” ва “кўк-анорранглилар” футболчи бўйича аллақачон таклиф жўнатган ва “Вилла” томондан расмий жавоб кутмоқда.
Мартинес 2020 йилдан бери “Астон Вилла” сафида тўп суради. Унинг клуб билан амалдаги шартномаси 2029 йил ёзигача мўлжалланган. Мартинеснинг қиймати ҳозирда 25 миллион евро атрофида баҳоланмоқда.
Жорий мавсум Эмилиано клуб сафида 36 учрашувда майдонга тушиб, улардан 8 тасида дарвозаси дахлсизлигини сақлаб қолган. У умумий ҳисобда 95 марта сейв амалга оширган бўлиб, ўртача ҳар 70 дақиқада бир гол ўтказиб юборган. Шунингдек, Мартинес бир марта пенальтини қайтаришни ҳам уддалаган.
Эслатиб ўтамиз, Эмилиано Мартинес 2022 йилда Аргентина терма жамоаси билан жаҳон чемпиони бўлган.
Изоҳ (0)