Испания чемпионатининг 35-турида асосий эътибор “Барселона” ва “Реал Мадрид” ўртасидаги “Эл-Класико” баҳсига қаратилди. Килиан Мбаппе ҳет-трик қайд этиб, 21-асрда каталонияликлар дарвозасини 3 марта ишғол қилган илк мадридлик футболчига айланди.
Аввалги шунга ўхшаш ҳолат 1995 йил январь ойида Иван Саморано томонидан қайд этилган эди. Ўшанда чилилик ҳужумчи “Барселона” дарвозасига уч бор йўл топа олган ҳамда ўйин “Реал” фойдасига 5:0 ҳисобида якунланган. Ўша мавсумда Мадрид клуби “Барселона”нинг тўрт йиллик чемпионлик сериясига барҳам бериб, Ла Лига ғолибига айланганди.
Таъкидлаш керакки, 21-асрда “Барселона” билан “Эл-Класико”да ҳет-трик қайд этган юлдузлар бор – Лионель Месси бундай натижани икки марта амалга оширган бўлса, Луис Суарес бир марта “Реал” дарвозасини уч марта ишғол қилган.
Маълумот учун, “Барселона” — “Реал” учрашувда майдон эгалари 4:3 ҳисобида ғалаба қозонди. Мбаппе учта тўп киритган бўлса, Рафинья дубль қайд этди. Ямал ҳамда Гарсия биттадан гол муаллифига айланди.
35-турдан сўнг “Барселона” Ла Лига турнир жадвалида биринчи ўринни эгаллаб турибди (82 очко), “Реал Мадрид” эса иккинчи поғонада жойлашган (75 очко).
Изоҳ (0)