Каталониянинг “Барселона” клуби 2024/25 йилги мавсумда Испания чемпиони бўлди. “Кўк-анорранглилар” Ла Лига 36-турда “Эспанёл”ни 2:0 ҳисобида мағлуб этиб, муддатидан аввал чемпионлик унвонига эга чиқди.
Қўлга киртилган ғалабадан кейин “Барселона” ҳисобидаги очколар сони 85 тага етди. Мавсум якунига икки тур қолганида, жамоа энг яқин таъқибчиси — Мадриднинг “Реал” клубини 7 очкога ортда қолдирмоқда.
Мазкур титул клуб тарихидаги 28-чемпионлик бўлиб, бу борада улар ҳали ҳам “Реал Мадрид”дан (36 марта чемпион) ортда бормоқда. Шуниндек, “Барселона” ўз тарихда тўққизинчи марта ҳам чемпионат, ҳам кубокни бир мавсум ичида қўлга киритишга муваффақ бўлди.
Эслатиб ўтамиз, мавсум аввалида “Барселона” бош мураббийлик лавозимига немис мутахассиси Ҳанси-Дитер Фликни тайинлаган эди. Унинг бошчилигида каталонияликлар нафақат Ла Лига ҳамда Испания Кубогини, балки Суперкубокни ҳам қўлга киритишга эришди.
Изоҳ (0)